@khin.sandar.zaw.6: အမှတ်တရတစ်ခုကို သိမ်းထားဖို့အတွက် လူတစ်ယောက်ကို ပြန်တောင်းတစရာ မလိုတော့ဘူးဆိုရင် ကိုယ်တို့ တကယ်ချစ်တတ်သွားပြီပဲ ။ အရင်တုန်းကတော့ ချစ်ခြင်းဆိုတာ မရှိတော့မှာကို ကြောက်လို့ ဆုပ်ကိုင်ထားရတဲ့အရာလို့ ထင်ခဲ့ဖူးတယ်။ ပြန်မလာတော့မယ့်သူကို ပြန်လာစေချင်ခဲ့တယ်။ မေ့သွားမယ့်သူကို မမေ့စေချင်ခဲ့ဘူး။ ပြီးဆုံးသွားပြီဆိုတဲ့ အရာတစ်ခုကိုတောင် အကြောင်းပြချက်တွေ ရှာပြီး ဆက်ရှိနေစေချင်ခဲ့ဖူးတယ်။ အဲ့ဒီတုန်းက ကိုယ် မသိသေးတာကတစ်ယောက်ယောက်ကို ချစ်တယ်ဆိုတာ ကိုယ့်ဘဝထဲမှာ အမြဲရှိနေဖို့ တောင်းဆိုနေရတာ မဟုတ်ဘူးဆိုတာပါပဲ။ တစ်ခါတလေ ချစ်ခြင်းရဲ့ နောက်ဆုံးအဆင့်က ဆက်ဆွဲထားနိုင်ခြင်း မဟုတ်ပဲ နာကျင်နေသေးပေမယ့် လက်လွှတ်ပေးနိုင်ခြင်း ဖြစ်တတ်တယ်။ သူ့ဘဝကို သူရွေးချယ်တဲ့လမ်းအတိုင်း သွားခွင့်ပေးနိုင်တာ ကိုယ်နဲ့ မတူတဲ့ သူ့ဆုံးဖြတ်ချက်တွေကို မနာလိုမဖြစ်ပဲ လေးစားပေးနိုင်တာ တစ်ချိန်က ကိုယ့်ဘဝရဲ့ အရေးကြီးဆုံးလူတစ်ယောက် ဖြစ်ခဲ့ဖူးသူကို နောက်ဆုံးမှာ အပြစ်တင်စရာလူတစ်ယောက်အဖြစ် မပြောင်းလဲပစ်တာ ဒါတွေလည်း ချစ်ခြင်းရဲ့ စစ်မှန်တဲ့ပုံစံတွေပါပဲ။ လူကတော့ ကိုယ့်ဘဝထဲက ထွက်သွားနိုင်ပါတယ်။ ဒါပေမဲ့ အဲဒီလူကြောင့် ကိုယ်သိလာခဲ့တဲ့ ကိုယ့်အကြောင်းတွေ ကိုယ်တန်ဖိုးထားတတ်လာတဲ့အရာတွေ တစ်ချိန်က တကယ်ချစ်ခဲ့ဖူးတယ်ဆိုတဲ့ အမှန်တရားတွေကတော့ ကိုယ့်အတွင်းမှာ ဆက်ရှိနေနိုင်တယ်။ တကယ်ချစ်ခဲ့တာကို သက်သေပြဖို့ တစ်ယောက်ယောက် အမြဲရှိနေဖို့ မလိုပါဘူး။ မပိုင်ဆိုင်တော့လည်း မမုန်းပဲ တစ်ချိန်က လှပခဲ့ဖူးတဲ့အရာတစ်ခုအဖြစ် တိတ်တိတ်လေး သိမ်းထားနိုင်လာရင် ကိုယ်တို့ဟာ ချစ်ခြင်းကို ဆုပ်ကိုင်ထားခြင်းနဲ့ပဲ တန်ဖိုးထားရတာမဟုတ်ပဲ တစ်ခါတလေ လွှတ်ပေးခြင်းနဲ့ပါ တန်ဖိုးထားတတ်လာပြီဆိုတဲ့ အဓိပ္ပာယ်ပါပဲ။ #ရိပ်ငြိမ် #fpyシ #tiktok

142

2026-08-27 01:23:45

To see more videos from user @khin.sandar.zaw.6, please go to the Tikwm homepage.