@roseanncuetoreano: Matapos ang mahigit isang taong paglalakbay sakay ng bisikleta, tuluyan nang nakauwi sa Samboan, Cebu ang Filipino-French cyclist na si Adam Desvaux matapos makumpleto ang tinatayang 28,000-kilometer solo journey mula France hanggang Pilipinas. Nagsimula ang kanyang ekspedisyon sa France noong 18 taong gulang pa lamang siya. Sa loob ng humigit-kumulang 42 linggo, nilakbay niya ang iba’t ibang bahagi ng Europe, Central Asia at Southeast Asia bago tuluyang makarating sa Pilipinas. Sa kanyang mahabang biyahe, dumaan siya sa ilang bansa kabilang ang Switzerland, Croatia, Turkey, Kazakhstan at Vietnam. Ngunit sa kanyang pagdating sa Samboan, Cebu, hindi lamang pamilya, mga kamag-anak at kaibigan ang naghihintay sa kanya. Isa sa mga naging mahalagang inspirasyon ni Adam para ipagpatuloy at tapusin ang kanyang long journey home ang kanyang nobyang Pinay na si Sophia. Matapos ang libo-libong kilometrong paglalakbay, muling nagkita ang dalawa sa homecoming ni Adam sa Cebu. Mas naging espesyal pa ang kanyang pag-uwi dahil kasabay nito ang kanyang ika-20 kaarawan. Mula sa France hanggang Pilipinas, natapos ni Adam ang isang pambihirang paglalakbay na tumagal nang mahigit isang taon—at sa kanyang pagbabalik, isang espesyal na taong naging inspirasyon niya ang isa sa mga dahilan kung bakit naging mas memorable ang kanyang pag-uwi. Elite Newsfeed-

Rose Ann Cueto Reano

Open In TikTok:

Region: PH

Thursday 27 August 2026 00:45:13 GMT