@nay.myo.thwin1: ကိုနေနေနဲ့ မနေချစ်သူ သုတ/ရသ✍️နေမျိုးသွင် "ယောက်ျားလေးတွေဆိုတာ နာကျင်နေလည်း အပြုံးမပျက်တတ်တဲ့ သူတွေပါ။ ရင်ဘတ်ထဲ မုန်တိုင်းတွေ တိုက်နေတဲ့နေ့မှာတောင် အပြင်ပန်းမှာတော့ ဘာမှမဖြစ်သလို ငြိမ်ငြိမ်လေး လျှောက်သွားတတ်ကြတယ်။ ဒါပေမယ့် ကိုနေနေအတွက်တော့ မနေချစ်သူက ခြွင်းချက်ပါပဲ။ မနေချစ်သူက ကိုနေနေကို မေးဖူးတယ်… "မင်း ငါ့ကို ဘာကြောင့် အဲလောက် ယုံတာလဲ" ကိုနေနေက ပြုံးရုံပဲပြုံးပြီး ပြန်မဖြေဘူး။ ဘာလို့လဲဆိုတော့ ယောက်ျားလေးတစ်ယောက်ရဲ့ အဖြေက စကားလုံးထဲမှာ မရှိတတ်လို့ပါ။ သူ့ရင်ဘတ်ထဲမှာတော့ ဒီလိုစကားတွေ တိတ်တိတ်လေး ပဲ့တင်ထပ်နေတယ် – "မင်းက ငါ့ကို ပိုကောင်းတဲ့လူတစ်ယောက်ဖြစ်လာအောင် လှုံ့ဆော်ပေးတဲ့သူ၊ မင်းနဲ့အတူ ငါလည်း ပိုကောင်းလာဖို့ ဆန္ဒရှိတဲ့သူ၊ ဒါကြောင့် မင်းကို ယုံကြည်တာက ငါ့ရဲ့ ရွေးချယ်မှုမဟုတ်ဘူး… ငါ့ရဲ့ သဘာဝပဲ။" မနေချစ်သူကတော့ ချစ်လာပြီဆိုတာနဲ့ ကိုနေနေကို စိတ်ပူတတ်လာတယ်။ တစ်ခါတစ်ရံ သံသယဝင်တတ်တယ်။ စစ်ဆေးတတ်တယ်။ "ချုပ်ချယ်လွန်းတယ်" လို့တောင် ထင်ရတတ်တယ်။ ဒါပေမယ့် ကိုနေနေက သိတယ်… ဒါက အချစ်ကြီးလွန်းလို့ ဖြစ်လာတဲ့ စိုးရိမ်စိတ်သက်သက်ဆိုတာ။ သူမရဲ့ ရင်ခုန်သံတိုင်းမှာ ကိုနေနေရဲ့ နာမည်ပါနေတယ်ဆိုတာ သူနားလည်တယ်။ ဒါကြောင့် မနေချစ်သူက ဖုန်းဆက်လာတိုင်း၊ စိတ်ပူတဲ့စာတွေ ပို့လာတိုင်း၊ ကိုနေနေက သည်းခံတယ်… ချစ်တယ်လို့တောင် မပြောဘဲနဲ့ "ရောက်နေပြီ" လို့ပဲ ပြန်ဖြေတယ်။ ဒါပေမယ့် တစ်ယောက်ထဲဖြစ်သွားတဲ့ညတွေမှာ… ကိုနေနေက မနေချစ်သူကြိုက်ခဲ့တဲ့ သီချင်းတွေကို နားထောင်ဖြစ်တယ်။ သူတို့အတူရောက်ဖူးတဲ့ နေရာတွေကို အလွမ်းဖြေရင်း ငေးကြည့်ဖြစ်တယ်။ သတိရတယ်လို့ မပြေတတ်ပေမယ့် သူမရဲ့ ဓာတ်ပုံလေးတွေကို တိတ်တိတ်လေး ပြန်ကြည့်ဖြစ်တယ်။ ယောက်ျားလေးတစ်ယောက်ရဲ့ အလွမ်းက မျက်ရည်ကျတာထက် တိတ်ဆိတ်သွားတာက ပိုများတယ်လို့ ပြောကြတယ်။ ကိုနေနေရဲ့ ငိုရှိုက်သံဟာ မျက်ရည်အဖြစ် မကျပဲ၊ ရင်ဘတ်ထဲမှာပဲ တိတ်တိတ်လေး ပဲ့တင်ထပ်နေတတ်တယ်။ မာကျောတဲ့ မျက်နှာတစ်ခုရဲ့ အောက်မှာ အင်မတန် နူးညံ့သိမ်မွေ့တဲ့ နှလုံးသားတစ်စုံက ရှိနေတယ်ဆိုတာ မနေချစ်သူ သိပါ့မလား။ ဒါပေမယ့် ကိုနေနေက ဘယ်တော့မှ မနေချစ်သူကို စိတ်မဆိုးဘူး။ သူသိတယ်… ဒီလောကကြီးမှာ အရှားပါးဆုံးက "အချစ်စစ်" ဆိုတာ။ ဒါကို ပိုင်ဆိုင်ထားရလျက်နဲ့ ကိုယ်တိုင် နားမလည်ပေးနိုင်မှုကြောင့် လက်လွတ်ဆုံးရှုံးမိဖို့ သူမလိုချင်ဘူး။ ဒါကြောင့် ကိုနေနေက ရွေးချယ်တယ်… နာကျင်နေရင်တောင် ပြုံးဖို့ ရွေးချယ်တယ်။ လွမ်းနေရင်တောင် ရှေ့ဆက်ဖို့ ရွေးချယ်တယ်။ ဘယ်လောက်ပဲ ဒဏ်ရာရနေပါစေ၊ တာဝန်တွေမပျက်ဘဲ ဘဝကို ရဲဝံ့စွာ ရှေ့ဆက်ဖို့ ရွေးချယ်တယ်။ ဘာလို့လဲဆိုတော့… သူမရဲ့ ရယ်သံလေးတစ်ချက်အတွက်၊ သူမရဲ့ စိတ်အေးချမ်းမှုအတွက်၊ ဒီအချစ်ကို ကာကွယ်ဖို့အတွက်… ငါဟာ ဒီလောက်တောင် အားကောင်းနေဖို့လိုတယ်။ ဒါပဲ… ကိုနေနေရဲ့ တိတ်ဆိတ်တဲ့အလွမ်းနဲ့ မနေချစ်သူရဲ့ ဖြူစင်တဲ့အချစ်ကြားက လောကကြီးရဲ့ အလှတရားတစ်ခုပါ။ ချစ်တယ်ဆိုတာ အားနည်းချက်ကို ပြဖို့မဟုတ်ဘူး… တစ်ယောက်အတွက် သန်မာနေဖို့ ဆုံးဖြတ်ချက်ပဲ။ ဒါကြောင့်… ကိုနေနေက မနေချစ်သူကို ဘယ်တော့မှ မပြောဖြစ်တဲ့ စကားတစ်ခွန်းက "မင်းရဲ့ သံသယတွေကိုတောင် ငါချစ်တယ်… ဘာလို့လဲဆိုတော့ အဲဒါတွေက မင်းရဲ့အချစ်ရဲ့ အရိပ်တွေပဲလေ။" ရသဖြင့် ကို Nay Myo Thwin #ကိုနေနေနဲ့မနေချစ်သူ #တိတ်ဆိတ်တဲ့အလွမ်း #အချစ်စစ် #လောကီရသ #သုတရသ
Nay Myo Thwin
Region: MM
Thursday 27 August 2026 03:46:48 GMT
Music
Download
Comments
hlahlanyein04 :
ကိုသွင်ရေ 👍🤗🤭🤫🤪😛💕🙏
2026-08-27 06:15:26
0
githar :
2026-08-27 05:47:40
0
To see more videos from user @nay.myo.thwin1, please go to the Tikwm
homepage.
