@gmanews: Buwis-buhay ang pagtawid ng mga guro sa malakas na agos ng ilog para makapasok sa Nagcancionan Integrated School, na nasa bulubunduking bahagi ng R.A. Padilla, Carranglan, Nueva Ecija. Sa video na kuha noong August 24, 2026, makikitang tumatawid ang mga guro sa hanggang dibdib na tubig matapos lumakas ang agos ng ilog dahil sa mga pag-ulang dulot ng Habagat. Dahil walang anunsiyo ng kanselasyon ng klase, bumiyahe ang mga guro upang makapasok at makapagturo sa 65 estudyante ng paaralan, mula kindergarten hanggang Grade 10. Bukod sa pagtawid sa ilog, dagdag pahirap din ang maputik at madulas na daan lalo na kapag umuulan. Inaabot umano ng mahigit isang oras ang biyahe ng mga guro sakay ng motorsiklo papunta sa paaralan. Hiling ng mga guro na mabigyan ng pansin ang kalagayan ng kalsada patungo sa paaralan at mapagawan ng tulay ang ilog na araw-araw umanong naglalagay sa panganib sa mga estudyante, guro at residente. COURTESY: Rose Ann Chamos Dimaala-Quinto via Junjun Sy/Stringer #GMANews

GMA News

Open In TikTok:

Region: PH

Thursday 27 August 2026 03:52:32 GMT