💜မိန်းမတစ်ယောက် ပြိုလဲတဲ့နေ့ဟာ တစ်နေ့တည်းရဲ့ ပင်ပန်းမှုကြောင့် မဟုတ်ဘူး။ 💜နေ့ခင်းဘက်မှာ ဘာမှမဖြစ်သလို ပြုံးနေနိုင်တယ် လူတွေအရှေ့မှာလည်း အဆင်ပြေပါတယ် လို့ ပြောနိုင်တယ်။ 💜ဒါပေမယ့် ညဘက် တိတ်ဆိတ်သွားတဲ့အခါ တစ်နေ့လုံး ဖုံးကွယ်ထားခဲ့တဲ့ ခံစားချက်တွေက တိတ်တိတ်လေး ပြန်ထွက်လာတတ်တယ်။ 💜တချို့မိန်းမတွေ မငိုတာဟာ မနာကျင်လို့ မဟုတ်ဘူး ငိုလိုက်ရင် ထိန်းမရတော့မှာကို ကြောက်လို့ မျက်ရည်ကိုတောင် အံကြိတ်ပြီး ထိန်းထားရတာ။ 💜သူတို့မှာလည်း ပင်ပန်းတဲ့နေ့တွေ ရှိတယ် ဘာမှမလုပ်ချင်တဲ့နေ့တွေ ရှိတယ် ဘယ်သူ့ကိုမှ မရှင်းပြချင်တော့တဲ့ နေ့တွေ ရှိတယ်။ 💜ဒါပေမယ့် အိမ်၊ အလုပ်၊ မိသားစုနဲ့ လူမှုဘဝတွေကြားမှာ တာဝန်တွေကို ဦးစားပေးရင်း ကိုယ့်ခံစားချက်ကို နောက်ဆုံးမှ ပြန်စဉ်းစားတတ်လာကြတယ်။ 💜ဒါကြောင့် မိန်းမတစ်ယောက် ပြိုလဲလာတဲ့အခါ နင်က အားနည်းတာပဲ လို့ မပြောပါနဲ့။သူပြိုလဲတာက ဒီနေ့တစ်နေ့တည်းကြောင့် မဟုတ်ပါဘူး။ 💜မပြောဖြစ်ခဲ့တဲ့ စကားတွေ ငိုမထွက်ခဲ့တဲ့ မျက်ရည်တွေ တိတ်တိတ်လေး သည်းခံခဲ့ရတဲ့နေ့တွေ အများကြီး စုပြီးမှ ခဏလေး လက်လျှော့လိုက်တာပါ။ 💜တကယ်တော့ ခွန်အားဆိုတာ ဘယ်တော့မှ မငိုဘဲ ခိုင်မာနေနိုင်တာ မဟုတ်ဘူး။ငိုချင်ရင် ငိုခွင့်ပေးတာ။ ပင်ပန်းရင် ခဏနားတာ။ ပြီးတော့ မျက်ရည်တွေကို ကိုယ်တိုင် သုတ်ပြီး မနက်ဖြန်ကို ပြန်ထနိုင်တာပါ။ 💜ဒါကြောင့် ကိုယ့်ဘေးမှာရှိတဲ့ မိန်းမတစ်ယောက် ပြုံးနေရင် သူအဆင်ပြေနေပြီလို့ မယူဆလိုက်ပါနဲ့။ 💜တစ်ခါတလေ အဆင်ပြေလား ဆိုတဲ့ စကားတစ်ခွန်းထက် ပင်ပန်းနေရင် ခဏနားလို့ရတယ်နော် ငါရှိတယ် ဆိုတဲ့ စကားတစ်ခွန်းက ပိုပြီး နွေးထွေးစေနိုင်ပါတယ်။ - @aung21a5