@coachanissa369: اسمعوني يا جمهوري العزيز لما تكون قاعد بمجلس وفجأة أحد يمدحك، ركّز مو بس على كلام اللي مدحك لا، ركّز على ردة فعل اللي حولك. لأن أحياناً الشخص اللي يكسر الحوار بسرعة ويغيّر الموضوع وكأن المدح ما صار، يكشف لك شي أهم من أي كلمة قالها. ⚠️بعض الناس ما يضايقهم نجاحك بحد ذاته، يضايقهم الاهتمام اللي يجيك بسببه. فتلقاه يحوّل السالفة لنفسه، يتكلم عن إنجازاته أو مشاكله، ويحاول يرجّع الضوء عليه. هذا السلوك ممكن يرتبط بالغيرة، الحاجة المستمرة للاهتمام، أو الأنانية، خصوصاً إذا صار بشكل متكرر. ⚠️الشخص الواثق من نفسه ما يشوف مدحك تهديد له يفرح لك ويقول: «إي والله، يستاهل». لأن نجاحك ما ينقص منه، ومدحك ما يسحب من رصيده. ⚠️أما الشخص اللي كل مرة تنذكر إنجازاتك يحاول يقلل منها، يغيّر الموضوع، أو يحوّل الحديث لمصلحته، فهني لازم تنتبه. مو من موقف واحد تحكم عليه طبعا لكن النمط المتكرر يقول الكثير عن صاحبه. لذلك لا تدور الغيرة بالكلام شوفها بالسلوك. راقب اللي يفرح لك، واللي يقدر يعطيك مساحتك، واللي ما يحتاج يطفي نورك عشان يحس إنه منوّر. ⚠️لأنك بالنهاية تعرف معدن الإنسان مو بس من وقفته معاك وقت حزنك تعرفه أكثر من قدرته إنه يفرح لك وأنت في أجمل لحظاتك. ملاحظة: هذا رأيي الخاص فقط و لا ادعو اي احد لتقليدي به🙏 و الان شاركني هل حصل معاك هذا الموقف او لا ؟ و احبكم كوتش أنيسة 💓

Coach Anissa

Open In TikTok:

Region: CA

Thursday 27 August 2026 06:01:09 GMT