@dhammathutalan: ========{ 🙏 }======== သူတော်ကောင်းတွေဟာ ဘယ်လိုစိတ်ဓာတ်နဲ့ ဘယ်လိုအမြင်နဲ့ ဘယ်လိုစိတ်ထားနဲ့ ဒါနကောင်းမှုကို ပြုကြသလဲ။ **"သဒ္ဓါကြည်ညို၊ ရိုသေလှစွာ၊ အခါကိုသိ၊ မစွန်းညိဘဲ၊ မထိမပါး၊ လှူတုံညား ငါးပါး သဗ္ဗုဒ္ဓိသမြတ်ဒါန သဒ္ဓါတရားနဲ့ လှူတယ်၊ ကိုယ်လှူတဲ့အလုပ်၊ ဒီအလုပ်၊ ဒီအလှူဖွယ်ဝတ္ထုပစ္စည်း၊ ဒီအလုပ် လှူပုဂ္ဂိုလ်၊ ဒါတွေရဲ့အပေါ်မှာ အကုန်လုံး လေးစားမှု၊ တန်ဖိုးထားမှုနဲ့ နော်... စိတ်ထဲက ဒီဟာကို အလေးဂရုပြုပြီးတော့၊ ပုံတော်ကရော် လုပ်တာမဟုတ်ဘူး။ သက္ကစ္စ— ရိုသေတယ်ဆိုတာကို အဓိပ္ပါယ် ကျယ်ကျယ်ပြန့်ပြန့် နားလည်စေချင်တာ၊ လေးစားတယ်၊ တန်ဖိုးထားတယ်၊ ဂရုစိုက်ပြီးတော့ လုပ်တယ်၊ ပေါက်လွတ်ပဲစား လုပ်တာ မဟုတ်ဘူးနော်။ ယုံကြည်မှုနဲ့ လှူမယ်၊ ရိုရိုသေသေ လှူမယ်၊ အချိန်.. ကာလကို ကြည့်ပြီးတော့ လှူမယ်ဆိုတာ ဘာပြောတာတုန်း၊ ကာလဒါနဆိုတာက လိုအပ်နေတဲ့အရာကို လိုအပ်နေတဲ့အချိန်မှာ လှူနိုင်တာ။ အခု ကထိန်အလှူကို ဒီကာလဒါနထဲကို ထည့်သွင်းလို့ ရတယ်။ အဲ့ဒါ သူတော်ကောင်းတွေရဲ့ စိတ်ထား၊ လှူတဲ့အခါမှာ သူတို့ စိတ်ထား ယုံကြည်မှုနဲ့ လှူတယ်၊ လေးလေးစားစား လှူတယ်၊ အချိန်ခါကို သိပြီးတော့ လှူတယ်၊ မစွန်းညိဘဲတဲ့၊ မစွန်းညိဘဲဆိုတာက ငြိကပ် တွဲတာ မရှိတာပေါ့နော်။ ကိုယ့်ရဲ့ လှူဖွယ် ဝတ္တု ပြန်ပြီးတော့ စိတ်က မပြတ်မသားဖြစ်တာမျိုး မရှိဘူးနော်။ တစ်ချိန်မှာ ကိုယ်လှူလိုက်တဲ့ အလှူနဲ့ ပတ်သက်ပြီးတော့ မရှင်းမရှင်း၊ နောက်ဆက်တွဲ နောက်စိတ်မကောင်း ဖြစ်တာမျိုးတွေ ဖြစ်ခြင်းရဲ့ အကြောင်းဖြစ်တဲ့ မပြတ်မသားကြီး ဖြစ်နေတာမျိုး မရှိတာကို ပြောတာ။ "သဒ္ဓါကြည်ညို၊ ရိုသေလှစွာ၊ အခါကိုသိ၊ မစွန်းညိဘဲ၊ မထိမပါး" တဲ့နော်။ ဆိုလိုတာက ကိုယ်လှူတဲ့အခါ "ငါ လှူနိုင်တယ်၊ ဒီလိုတွေ ငါ့လို မလှူနိုင်ဘူး"၊ အဲ့ဒါ သူများကို ထိခိုက်ထိုက်တဲ့၊ ထိခိုက်စေတဲ့ အတွေးပေါ့နော်။ ကိုယ့်စိတ်က ကိုယ့်ကိုလည်း ပြန်ပြီးတော့ ထိခိုက်စေပါတယ်နော်။ ကိုယ်က ဒီလိုလုပ်နိုင်တယ်၊ သူများ ဒီလိုမလုပ်နိုင်ဘူးဆိုတဲ့ နှိုင်းယှဉ်မှုတွေနဲ့ လှူတာမျိုးကို သူတော်ကောင်းတွေ မလုပ်ဘူးပေါ့။ ဟုတ်လား... အဲ့သလိုမျိုး မြတ်စွာဘုရားက အလှူဒါန ပြုတဲ့အခါမှာ စိတ်ကောင်းနှလုံးကောင်း ရှိတဲ့ပုဂ္ဂိုလ်တွေဟာ ဒီလိုမျိုး လှူကြတာ၊ ဒီလိုစိတ်ထားနဲ့ ဒီလိုအတွေးနဲ့ လှူကြတာ။ အဲ့လိုလှူလို့ရှိရင် အဲဒီ ကောင်းမွန်တဲ့ စိတ်ထားလေးတွေနဲ့ လှူတဲ့အတွက်ကြောင့် အကျိုးကျေးဇူး ရတဲ့အခါမှာလည်းပဲ ဘာလေးတွေပါ တွဲပြီးတော့ ရလာသလဲ။ ဒါလည်း နားလည်ထားသင့်တဲ့ ဒါနနဲ့ပတ်သက်တဲ့ အကြောင်းအရာလို့ ဘုန်းကြီးက ထင်တယ်။ ဟုတ်လား... အဲ့ဒါ မင်းကွန်းဆရာတော်ကြီး ရေးတာ၊ ခုနက လင်္ကာလေးလည်း မင်းကွန်းဆရာတော်ကြီး ရေးတာပဲ။ အဲ့တော့ ဆရာတော်ကြီးက ထပ်ပြီးတော့ အသေးစိတ်လေး ရေးတယ်။ "သဒ္ဓါကြည်လင်၊ လှူဒါန်းလျှင်၊ ရုပ်သွင်အဆင်လှ" လှူတဲ့အခါမှာ ယုံကြည်မှုနဲ့ လှူတယ်။ အထူးသဖြင့် မြတ်စွာဘုရား သဗ္ဗညုတဉာဏ်ကို ယုံကြည်တယ်။ သဗ္ဗညုတဉာဏ် အလုံးစုံကို သိတယ်၊ ယုံကြည်တယ်။ အဲ့ဒီ ယုံကြည်မှုရှိရင် သူတော်ကောင်းတရားရဲ့ အပေါ်မှာ ယုံကြည်မှု ပါပြီးသား၊ အရိယာသံဃာတော်တို့ရဲ့ အပေါ်မှာ ယုံကြည်မှု ပါပြီးသား၊ စိတ်စေတနာရဲ့ စွမ်းရည်သတ္တိလို့ ဆိုတဲ့ ကံ၊ ကံရဲ့အကျိုးကို ယုံကြည်မှု ပါပြီးသား။ အဲ့ဒီ သဒ္ဓါတရား ပါလို့ရှိရင် အကျိုးရလဒ် ရတဲ့အခါမှာ ဥစ္စာပစ္စည်း ပေါများခြင်းဆိုတာက မူရင်းအကျိုးပေါ့။ သဒ္ဓါတရားနဲ့ လှူမယ်ဆိုလို့ရှိရင် ဘာပါတွဲပါလာလဲ— *"သဒ္ဓါကြည်လင်၊ လှူဒါန်းလျှင်၊ ရုပ်သွင်အဆင်လှ"*။ ဟုတ်လား... ဘယ်လို ဝေဖန်စရာ ရှိတုန်း။ တချို့ ပစ္စည်းတော့ ပေါတယ်၊ ရုပ်က ဆိုးလိုက်တာ၊ သဒ္ဓါတရားနဲ့ မလှူခဲ့ဘူးလို့ ယူဆရမလို ဖြစ်နေတာနော်။ ဥစ္စာပစ္စည်းတော့ ပေါတယ်၊ ရုပ်က ဘယ်လိုဖြစ်နေတုန်း ဆိုတာ။ အဲ့တော့ ကိုယ့်ရဲ့ရုပ် မဆိုးချင်ဘူး ဆိုလို့ရှိရင် ဘာပါရမတုန်း၊ သဒ္ဓါတရား ပါရမယ်နော်။ တရားလေးတွေက ဆက်စပ်နေတယ်၊ ဟုတ်လား... သဒ္ဓါတရားဆိုတာ ကြည်လင်တဲ့စိတ်ကို ကြည်လင်စေတဲ့ သတ္တိရှိတဲ့အတွက်ကြောင့် အကျိုးရလဒ် ရတဲ့အခါမှာလည်းပဲ ကြည်လင်တဲ့ ရုပ်ကို တွဲပြီးတော့ ရတာတဲ့။ "ရိုသေလှူငြား၊ သူ့စကား၊ အများနာယူရ" ဒီအလုပ်ကလေးကို အလွန် ကိုယ်တန်ဖိုးထားတယ်၊ မြတ်မြတ်နိုးနိုး။ တစ်ဆက်ထဲမှာပဲ အလှူခံပုဂ္ဂိုလ်လည်း တန်ဖိုးထားတယ်၊ စိတ်ကလေးတွေကို နားလည်ဖို့ လိုတယ် ဟုတ်လား... ရိုသေလှူငြား သူ့စကား အများနာယူရ၊ အဲ့ဒါ ရိုသေတဲ့ စိတ်လေးပါရင်၊ ခုပြောရင် ပြီးတယ်၊ စောစောပြောတယ် အာဓိပတေယျလည်း အကျိုးဝင်မယ် ထင်ပါတယ်၊ ကိုယ့်စကား ပြီးတယ်၊ စကားတည်တယ်နော်။ "ခါသိသဖြင့်၊ လှူတုန်လင့်၊ ချိန်သင့်ကောင်းကျိုးရ" ကာလဒါန အချိန်သိပြီးတော့ လှူတယ်၊ လိုအပ်ချက်ကို ကြည့်ပြီးတော့ ဖြည့်ဆည်းတာ။ ဘုန်းကြီးကတော့ အဲ့ဒါ သဘောကျတာပဲ၊ လှူတယ်ဆိုတာ ကိုယ့်အတွက် လှူတယ်ဆိုတာ ကိုယ်က သိပ်မဟုတ်သေးဘူး၊ "ငါ နောက်ဘဝ ကောင်းစားရေးအတွက် လှူတယ်" ဒါ အဆင့်နိမ့်သေးတယ်။ ကိုယ်ပေးတဲ့လူ၊ ရသွားမယ့်လူ စိတ်တိုင်းကျဖို့၊ စိတ်ချမ်းသာဖို့ကို အဓိက ရည်ရွယ်ချက် ထားရမှာ။ အဲ့ဒါ ကာလဒါနဆိုတာ အဲ့ဒါကို ရည်ရွယ်တာပဲ၊ ဟုတ်တယ် မဟုတ်လား။ ဆက်ရန်>>> #သစ္စာရွှေစည်

ဓမ္မသုတလမ်း

Open In TikTok:

Region: MM

Thursday 27 August 2026 07:07:42 GMT