كە گوێ لە تو خەون بووی هەمی گاڤا دەگری، خەیاڵت بۆ بەرزاییی چیڕۆکی عەشقی كچ و كوڕێك، بووک و زاوایەک دەتفڕێنێت، بەڵام لە پشتی ئەو ئاواز و وشە ئەڤیندارییە ناسکانەوە، ڕاستییەكی مێژووییی تاڵ هەیە، دەتباتەوە سەردەمە تاریكەكەی هەولێرێ، سەرەتای حەفتاكانی سەتەی ڕابردوو. سەجا ئیسماعیل كە گوێ لە تو خەون بووی هەمی گاڤا دەگری، خەیاڵت بۆ بەرزاییی چیڕۆکی عەشقی كچ و كوڕێك، بووک و زاوایەک دەتفڕێنێت، بەڵام لە پشتی ئەو ئاواز و وشە ئەڤیندارییە ناسکانەوە، ڕاستییەكی مێژووییی تاڵ هەیە، دەتباتەوە سەردەمە تاریكەكەی هەولێرێ، سەرەتای حەفتاكانی سەتەی ڕابردوو. ئەو شیعرە ناسكە لەبن قەڵاتێ داندرایە، ڕێک لەو جێیەی ئێستە گۆڕەپانێكی گەورەی ڕاگرتنی ئۆتۆمۆبێلە و جاران بینای مەحکەمەی لێ بوو. سبەینەكی غەمگین بوو، ڕێک کاتژمێر یازدەی پێش نیوەڕۆ، فەرماندەیەکی پێشمەرگە، لە بەردەم دەرگەی سەرەکیی مەحكەمەی هەولێرێ، بە غەدر لەلایەن چەكدارانی ڕژێمی لەناوچووی بەعسەوە شەهید دەکرێت. فەیسەڵ مستەفا شاعیری ناسراوی بادینان، لەو کاتەدا وەک مامۆستا لە پەیمانگەی پێگەیاندنی مامۆستایانی هەولێر کاری دەکرد، شاهێدحاڵی ڕووداوەكە بووە. لەو ڕۆژگارە سەختەدا، بێدەنگییەکی بەسام باڵی بەسەر ناوچەكەدا کێشا بوو، هۆڵەکانی خوێندن چۆڵ بوون، قوتابیان بۆ بەرگری لە كوردستان، ڕوویان لە شاخ کردبوو، ڕووداوی شەهیدکردنی پێشمەرگەیەك لە پێش مەحکەمە، هێندەی تر دۆخەكە دەشڵەژێنێت، بەڵام بۆ فەیسەڵ مستەفا، دەبێتە ئازارێکی قووڵ و دواتریش دەیكات بە هەوێنی شیعرێکی نیشتمانیی بەرز و دەنووسێت: تو خه‌ون بوى هه‌مى گاڤا ته‌ لمن به‌ردان روندكێت چاڤا كه‌له‌گرى كه‌ت هناڤا نه‌ تو بوى بویك نه‌ ئه‌ز زاڤا كا ئه‌و خه‌ون جانا شه‌ڤێ كا ئه‌و خه‌ون هه‌یڤا شه‌ڤێ دا گولێ ببم ده‌نگێ دلا تك تك دلى گوت من تو دڤێى ته‌ بوچ هێلام لسه‌ر ڤان كولا كا ئه‌و خه‌ون كا ئه‌و چرا دا به‌لاڤ كه‌م لهه‌مى درا رێك نه‌چویێ ل چ ده‌راڤا ئەم شیعرە لەلایەن هونەرمەند تەحسین تەهاوە كرایە سترانێكی ڕەسەن و باڵكێش، زۆربەی خەڵك هەر وا دەزانن گۆرانییەكی دڵدارییە، بەڵام وەك فەیسەڵ مستەفا باسی دەكات، ئەو شیعرەی مانیفێستۆیەکی سیاسیی قووڵ و مانای گەورەتری هەبوو، دەڵێت لە چەمكی (بووک)دا مەبەستی کوردستان و مافی خودموختارییە، کە ڕێککەوتننامەکەی ساڵی ١٩٧٠ بە زوویی لەلایەن بەعسەوە پێشێل کرا، شۆڕش و گەل بەو ئامانجە مەزنەیان نەگەیشتن کە گیانیان لە پێناویدا پێش مەرگ خستبوو. - @pasedrh