@khaledbaghdadyy: الفكرة مش إن الحياة بتحط قدامك حواجز علشان تمنعك… أوقات الحاجز نفسه هو الجزء اللي بيجهزك للحاجة اللي إنت طالبها. في الـ Healthy Lifestyle مثلًا، إنت مش بس بتغيّر أكلك أو تبدأ تتمرن. إنت بتتعلم تأجل راحتك، تتحكم في رغباتك، تلتزم من غير ما حد يراقبك، وتختار الصح حتى لما الأسهل يبقى قدامك. وعشان كده التغيير الحقيقي مش بيقف عند جسمك. لما تتعلم تدفع ضريبة هدفك في صحتك، هتبدأ تفهم إزاي تدفع ضريبة أي هدف تاني في حياتك. كل حاجة ليها تمن. والشخص اللي مستعد يدفع التمن… هو اللي غالبًا بياخد الحاجة.