"မျက်ရည်တွေလည်း ခမ်းခြောက်သွားပါပြီ။ တစ်ချိန်က မင်းကိုသတိရတိုင်း ကျခဲ့တဲ့မျက်ရည်တွေက အခုတော့ မျက်ဝန်းထဲမှာတောင် မရှိတော့ဘူး။ ဒါပေမယ့် မင်းနဲ့ပတ်သက်တဲ့ အမှတ်တရတွေကတော့ ရင်ထဲမှာ အခုထိ ရှိနေဆဲပါ။ မင်းကိုမလွမ်းတော့တာ မဟုတ်ဘူး။ လွမ်းလို့လည်း ငိုမရတော့တာပါ။ နာကျင်မှုတွေကို အကြိမ်ကြိမ်ခံစားရင်း နောက်ဆုံးမှာ နာကျင်ခြင်းကိုတောင် အသားကျသွားခဲ့တယ်။ တစ်ခါတလေ မင်းနဲ့ပတ်သက်တဲ့ အရာလေးတစ်ခုတွေ့ရုံနဲ့ အရင်ကအချိန်တွေကို ပြန်သတိရမိတယ်။ ကိုယ်တို့နှစ်ယောက် အတူရှိခဲ့တဲ့နေ့တွေ၊ မင်းပြောခဲ့ဖူးတဲ့စကားတွေ၊ ကိုယ့်ကိုချစ်တယ်လို့ ယုံကြည်စေခဲ့တဲ့ အချိန်တွေ… အားလုံးက အခုတော့ ပြန်မရနိုင်တော့တဲ့ အတိတ်တစ်ခုဖြစ်နေပြီ။ အနာကျင်ဆုံးက မင်းမရှိတော့တာထက် မင်းမရှိဘဲနဲ့လည်း ကိုယ်က ဆက်ပြီးရှင်သန်နေရတာပါ။ မင်းမရှိတဲ့နေ့တွေကို ဖြတ်သန်းရင်း မင်းဆီကို မေးချင်တဲ့စကားတွေကို ကိုယ့်ရင်ထဲမှာပဲ သိမ်းထားတတ်လာတယ်။ လွမ်းတဲ့အခါလည်း မပြောတော့ဘူး။ နာကျင်တဲ့အခါလည်း မငိုတော့ဘူး။ မင်းပြန်လာမလားဆိုပြီးလည်း မစောင့်တော့ဘူး။ ဒါပေမယ့် တစ်ခါတလေတော့ “မင်းလည်း ကိုယ့်ကို သတိရမိသေးလား” ဆိုတဲ့အတွေးက မမျှော်လင့်ဘဲ ရင်ထဲဝင်လာတတ်တယ်။ အဲဒီအချိန်တွေမှာပဲ သိလိုက်ရတယ်… ကိုယ်က မင်းကို မမေ့သေးဘူးဆိုတာကို။ မေ့သွားတာမဟုတ်ဘူး။ နာကျင်ရင်းနဲ့ နေတတ်သွားတာပါ။ တစ်နေ့နေ့မှာ မင်းကိုလုံးဝ မသတိရတော့တဲ့နေ့ ရောက်လာမလား မသိဘူး။ ဒါပေမယ့် အခုတော့ မင်းကိုလွမ်းနေတဲ့စိတ်ကို ကိုယ်တိတ်တိတ်လေးပဲ သိမ်းထားမယ်။ မျက်ရည်တွေ ခမ်းခြောက်သွားပြီဆိုပေမယ့် မင်းအတွက်ထားခဲ့ဖူးတဲ့ အချစ်တွေကတော့ အလွယ်တကူ ခမ်းခြောက်မသွားခဲ့ဘူး။ မင်းက ကိုယ့်ဘဝထဲက ထွက်သွားခဲ့ပေမယ့် ကိုယ့်ရင်ထဲမှာတော့ တစ်ချိန်က အရမ်းချစ်ခဲ့ဖူးတဲ့လူတစ်ယောက်အဖြစ် အခုထိ တိတ်တိတ်လေး ကျန်နေဆဲပါ။ ပြန်လည်မျှဝေပါသည်။ 💕ချစ်သက်💕 - @chitthat9685432