قبل أيام كنت اتكلمنا عن نوع البنات البتكون ما فارقة معاها قروشك ولا شهرتك ولا عربيتك ولا هيبتك ولا مكانتك في المجتمع ودي واحدة من النوع ده طيب عُموماً كِدا... ✍🏽💚 شفت فيديو للبنت دي وفعلاً بنت أصول وهي ماشّة في الطريق ظهر ليها صاحب التوسان الوسخان ده، افتكرها زي باقي البنات وإنه بمجرد ما يقرب بعربيته حتنبهر وتركب المهم ونا متابع فيه هو ماشي جنبها بالتدريج هي حتى ما عاوزة تلتفت ليه حتي بالعكس أشارت ليه بيدها واتكلمت معاه عشان يواصل طريقه لكن هو أصر وما رضي يمشي لحدي ما فات قدامها بمسافة طويله عشان الناس م تلاحظ عليه ووقف العربية مسافه ونزل وجاها ماشي على رجليه طيب نزل ليه؟ لأنه غالبًا ما متعود يلقى بنت ما مهتمة بعربيته ولا بالمظاهر البستعرض بيها اتضايق من فكرة كيف أنا بتوسان والبنت دي تتجاهلني؟ ودي واحدة من صور النرجسية وحب الاستعراض لما الزول يكون متعود إن المظاهر تديهو قيمة في عيون الناس وما بتقبل إنه في زول ما اتأثر بيها طيب بنت الأصول مواصفاتها شنو؟ أول حاجة بتحترم نفسها وعارفة قيمتها عشان كدا ما بتسمح لأي زول يتجاوز حدوده معاها تاني حاجة ما بتنبهر بالمظاهر لا عربية لا قروش لا شهرة ولا منصب بغيرو مبادئها تالت حاجة تربيتها بتسبقها في كلامها تعاملها، احترامها للكبير والصغير رابع حاجة عندها حدود واضحة وبتعرف تقول لا في الزمن الصح وما بتجامل على حساب كرامتها خامس حاجة ما بتجري ورا الاهتمام ما محتاجة تكون محط أنظار عشان تحس بقيمتها سادس حاجة بتحفظ نفسها وسمعة أهلها وبتعرف إن الحرية ما معناها إن الإنسان يفقد احترامه لنفسه وسابع حاجة في المواقف بتظهر أصالتها لأن المواقف هي البتكشف معدن الزول مش الكلام ولا الصور وبنت الأصول ما معناها إنها كاملة وما بتغلط لكن معناها عندها مبادئ تربية كرامة وعارفة قيمة نفسها💚🙌🏼… ما كل بنت ممكن تشتريها بعربية ولا بقررشك ولا بشهرتك في بنات اتربو على إنو قيمتهم أكبر من كل المظاهر دي وما ممكن أي زول يستعرض قدامهم بحاجة مادية ويعتبر نفسو مضمون عشان كدا النوعية دي بنفتخر بيها فعلًا ربنا يكثر من أمثالك ويحفظ بناتنا وبنات الناس أجمعين - @.24913750