@weed.lar.tha: မနက်ဖြန် (၂၈.၀၈.၂၀၂၆) သောကြာနေ့ 🌕 ဝါခေါင်လပြည့်နေ့ — မေတ္တာအခါတော်နေ့ ဥပုသ်နေ့ ဖြစ်ပါသည်။ 🙏🌿 ဝါတွင်းကာလရဲ့ အဖိုးတန်ဥပုသ်နေ့လေးမှာ ဓမ္မမိတ်ဆွေများအားလုံး ဥပုသ်သီလ ဆောက်တည်ပြီး ကုသိုလ်ကောင်းမှုများ ပြုလုပ်နိုင်ကြစေရန် ကြိုတင်အသိပေး နှိုးဆော်အပ်ပါတယ်ရှင့်။ 🙏 🌿 မေတ္တာအခါတော်နေ့လေးမှာ— 🙏 မိမိကိုယ်တိုင်အပေါ် မေတ္တာထားပါ။ 🙏 မိဘ၊ ဆွေမျိုး၊ ဆရာသမားနှင့် ကျေးဇူးရှင်များအပေါ် မေတ္တာပို့ပါ။ 🙏 မိတ်ဆွေများနှင့် ကိုယ်ချစ်ရသူများအပေါ် မေတ္တာပို့ပါ။ 🙏 မိမိနှင့် မသင့်မြတ်သူများအပေါ်မှာလည်း အမျက်မထားဘဲ မေတ္တာစိတ်ထားနိုင်အောင် ကြိုးစားပါ။ 🙏 သက်ရှိသတ္တဝါအားလုံး ဘေးရန်ကင်း၍ ကိုယ်စိတ်နှစ်ဖြာ ကျန်းမာချမ်းသာကြပါစေဟု မေတ္တာပို့ကြပါ။ 🌸 မေတ္တာဆိုတာ ကိုယ်တိုင်ပွားများလေလေ ကိုယ့်စိတ်ကိုလည်း နူးညံ့အေးချမ်းစေလေလေ ဖြစ်ပါတယ်။ ထို့အပြင် ဥပုသ်နေ့ဖြစ်သည့်အတွက်— 🙏 ဥပုသ်သီလ ဆောက်တည်ပါ 🙏 ဘုရားရှိခိုး၍ ပန်း ရေချမ်း ဆီမီးများ ကပ်လှူပါ 🙏 ဂုဏ်တော် ပုတီးစိပ်ပါ 🙏 ပရိတ်တရားတော်များ ရွတ်ဖတ်ပူဇော်ပါ 🙏 တရားနာ တရားထိုင်၍ စိတ်ကို အေးချမ်းအောင် လေ့ကျင့်ပါ 🙏 ဒါန သီလ ဘာဝနာ ကုသိုလ်များ ပြုလုပ်ပါ 🙏 မိမိပြုသမျှ ကုသိုလ်များကို သက်ရှိသတ္တဝါအားလုံးအား အမျှဝေပေးပါ 🌕 ဝါခေါင်လပြည့်နေ့လေးမှာ လပြည့်ဝန်းကြီးလို မိမိတို့ရဲ့ စိတ်နှလုံးလည်း ကြည်လင်ဝင်းပလာပြီး မေတ္တာတရားများ ပိုမိုပြည့်ဝလာကြပါစေ။ တစ်နေ့တာလုံးကို အပြစ်ရှာခြင်း၊ အမျက်ထွက်ခြင်း၊ မနာလိုခြင်းတို့နဲ့ မဖြတ်သန်းဘဲ မေတ္တာတစ်စိတ်၊ ကုသိုလ်တစ်ခု၊ အပြုံးတစ်ပွင့် နဲ့ ဖြတ်သန်းကြရအောင်ပါရှင့်။ 🌿🙏 ဝါတွင်းသုံးလအတွင်း ဥပုသ်သီလ၊ ဒါန၊ သီလ၊ ဘာဝနာ ကုသိုလ်များကို တတ်နိုင်သမျှ ဆက်လက်ပြုလုပ်နိုင်ကြပြီး စိတ်အေးချမ်းခြင်း၊ ကိုယ်ကျန်းမာခြင်းနှင့် ကောင်းမြတ်သောအကျိုးတရားများ ရရှိကြပါစေရှင့်။ 🙏🌸 မေတ္တာတရားများ ပွားများနိုင်ကြပြီး အချင်းချင်း ချစ်ခင်ကြင်နာမှုများ တိုးပွားကြပါစေ။ 🌕 ဝါခေါင်လပြည့်နေ့ — မေတ္တာအခါတော်နေ့ တွင်ဓမ္မမိတ်ဆွေများအားလုံး ကိုယ်စိတ်နှစ်ဖြာ ကျန်းမာချမ်းသာ၍ မိမိတို့ပြုသမျှ ကုသိုလ်ကောင်းမှု အစုစုတို့၏ အကျိုးကျေးဇူးများကို ကောင်းမွန်စွာ ခံစားနိုင်ကြပါစေရှင့်။ 🙏 ✍️© မယ်ရစ် မူရင်းအမည်နှင့် စာသားအတိုင်း လွတ်လပ်စွာ မျှဝေ၍ ကုသိုလ်ယူနိုင်ပါသည်။ 🙏 #မယ်ရစ် #ဥပုသ်နေ့ #ဝါခေါင်လပြည့်နေ့ #မေတ္တာအခါတော်နေ့ #ဝါတွင်းကုသိုလ်

ဗိုလ်ဝိ (ကျောက်တန်း)

Open In TikTok:

Region: MM

Thursday 27 August 2026 16:27:00 GMT