Мен ұмытпаймын. Ой сергітіп, серуендеп күн тынықта, Келемін өткенімді деп, ұмытпа. Сенімен бірге өткен жастығымда, Сынба дедім, шыдашы сен сыныққа. Сыныққа сылтауым жоқ, қайталадым, Ұмытпаймын деп, менде айталамын. Өшірмеспін өмірден, өткенімше, Өзімнен осы болды байқағаным. Өмір өзен ағысы, тоқтамайды, Ессіз ғана, өткенді жоқтамайды. Еске алып, жыр арқылы сезіндірсем, Жаздың деп, сені ешкім боқтамайды. Жазсам жырды, жастықта өткендерден, Жастықты кім бар кәне, өткермеген. Жыр мәнісі, өткенді еске алу, Өтіп келдік, не бір қиын өткелдерден. Сезімдермен жастықты ұмытпаймын, Ол сезімдер, қайталар деп, құнықпаймын. Сондада еске алып, отырамын, Солармен жыр қоржынды толықтаймын. Ұмытпа деп, өмірлік қоштасқанбыз, Қоштасып жылап тұрып, достасқанбыз. Мен қалай сол бір сөзді ұмытамын, Қалды достық, қалғанын бос тастаңыз. Осы жыр, болсын дедім естелігім, Ұмытпаймын бәріде есте бүгін. Естелік сенен қалған, бір ауыз сөз, Ұмытпа деген дауыс, естелігің. Ұмытпайтын өмірдің, бар кездері, Бір ауыз сөз боп, қалыпты сол сөздері. Қоштасып, жылап тұрып, айтқан еді, Жоқ еді, қайғы мұңы, тек көздері. Естеліктей сөздерді ұмытпайық, Еске алып, отырайық ұлықтайық. Өмір өзі, тұрады естеліктен, Кілті сенде сұрыптап құлыптайық. Қуанышта, өкінішпен қайғы мұңда, Құлақ сал, өткен іске сенде тыңда. Басыңа нелер келіп, не кетпейді, Жауап берші, өтірікпе әлде шынба. Жақсыны, жамандыда қойсаң қозғап, Өтті ғой, бір - бірінен басып озбақ. Озғандар мақтанышпен айтып жүрер, Қалғандар айта алмай, қалай тозбақ. Айту керек, бәрінде қалдырмастан, Айта алмай, жарты жолда қаңғырмастан. Кез келген, үлкендермен сұхбаттасшы, Айтады қалдырмайды, жаңылмастан. Әр пенде де, өзіндік бар сырлары, Өзіндік әуенімен, бар ырғағы. Көзіне жасты алып, сарнап берер, Жастық шақта, ән салған деп қырдағы. Біз жазамыз, айтамыз, ұмытпаймыз, Өзгенің өміріне, қызықпаймыз. Неге келдің, өмірге қызықпасаң, Ұмытпа мені десе, қыжықтаймыз. Бір сөзге, осынша сөз, жазып шықтым, Өткен өмір, қызығын толық ұқтым. Естелік деп, жазғаным дұрыс болар, Оқырмандар түсініп, жақсы ұққын. Өлең сөздің патшасы, деген ақын, Ақыннан халқымызға, кім бар жақын. Ақындар шындық ашып, бетке айтар, Бас кесседе, тіл кеспек, барғой хақым. Тұңғышбай. Жұбатханұлы. Садуахасов. Теміртау қаласы. 24--08--2026 жыл. - @tungishbay55