محروقه من الشمس مش كل عربية باهتة محتاجة رش العربية كانت جاية عندنا تعمل صيانة ولقيت الكبوت شكله باهت ومغير واللون مطفي بسبب الشمس والحرارة وقبل ما تقول العربية محتاجة دهان أو حد يشتغل عليك جرب الأول تشوف حالة الدهان كويس لو المشكلة مجرد بهتان وأكسدة سطحية من الشمس ومفيش تقشير في الورنيش أو تشققات في الدهان ممكن ترجع جزء كبير جدًا من اللمعة بنفسك كل اللي هتحتاجه علبة بوليش أو كومباوند حسب حالة الكبوت وكيس قطن ناعم أو الأفضل فوطة مايكروفايبر نظيفة أول حاجة لازم الكبوت يكون مغسول ونظيف ومفيش عليه تراب أو رمل لأن التراب أثناء التلميع ممكن يعمل خدوش زيادة اشتغل والعربية في الضل والكبوت يكون بارد ومش سخن من الشمس حط كمية صغيرة من المادة على جزء صغير من الكبوت ومتشتغلش على الكبوت كله مرة واحدة افرد المادة بالتساوي وافرك بهدوء ومن غير ضغط جامد واشتغل جزء جزء بعد ما تخلص امسح البواقي بفوطة نظيفة وهتبدأ تشوف الفرق في اللمعة واللون لو البهتان شديد ممكن تحتاج تكرر العملية أو تستخدم كومباوند وبعده بوليش علشان تشيل الأكسدة الأول وبعد كده ترجع اللمعة وفي الآخر لو تقدر تحط طبقة حماية أو واكس يبقى أفضل علشان تحافظ على النتيجة وتحمي السطح من الشمس قدر الإمكان لكن خلي بالك لو الورنيش نفسه مقشر أو الدهان متشقق أو طبقة الحماية ضاربة جامد فالتلميع مش هيصلح المشكلة ووقتها الحل الصح ممكن يكون دهان يعني مش كل كبوت باهت أو محروق من الشمس يتقال عليه لازم يتغير أو يترش جرب الأول التلميع بالطريقة الصح ويمكن بكام جنيه ترجع شكل عربيتك أحسن بكتير #امير_ماهر #تعلم #صلحها_بنفسك #سيارات @🚦 امير ماهر @🚦 امير ماهر @🚦 امير ماهر - @amermaher5