کسی کو جاننا آسان ہے، لیکن کسی کو سمجھنا اس سے کہیں زیادہ مشکل ہے۔ جاننے کے لیے صرف معلومات کافی ہوتی ہیں، مگر سمجھنے کے لیے احساس، ہمدردی، صبر اور دوسرے انسان کے نقطۂ نظر کو محسوس کرنے کی صلاحیت چاہیے۔ اکثر انسان بظاہر مسکراتا رہتا ہے، لوگوں سے بات کرتا ہے اور اپنی زندگی معمول کے مطابق گزارتا ہوا دکھائی دیتا ہے، مگر اس کے اندر بہت سی ایسی جنگیں چل رہی ہوتی ہیں جن کا دوسروں کو اندازہ نہیں ہوتا۔ ایسے وقت میں جو شخص ہماری خاموشی کو بھی سمجھ لے، ہمارے بغیر کہے ہمارے احساسات کو محسوس کر لے، وہ حقیقت میں ہمیں جاننے والا نہیں بلکہ سمجھنے والا ہوتا ہے۔ - @mubeeniqbal62