បទវិភាគ៖ តេជោធិបតី៖ ប្រើ «ចុងប៊ិច និងភស្តុតាង» ជាគ្រាប់អុក ទាមទារបូរណភាពទឹកដី និងសន្តិភាព នៅចំពោះមុខប្រធានសភានៃអន្តរសភាលើកទី២ BC News | ដោយ សិរី មុនី ភ្នំពេញ ២៨ សីហា ២០២៦៖ អ្វីដែលគេសង្កេតឃើញ គឺមេដឹកនាំកម្ពុជាឆ្លាត បានកែច្នៃសន្និសីទប្រធានសភានៃអន្តរសភា បីថ្ងៃ (ISC-2) ឱ្យមានតម្លៃជាប្រវត្តិសាស្ត្រ លើឆាកអន្តរជាតិ តាមរយៈ «ចុងប៊ិច និងកំណត់ត្រារបស់ការទូតសភា»។ កម្ពុជា បានឆ្លៀតកែច្នៃពេលនេះ ជាក្តារអុកពង្រឹងភូមិសាស្ត្រនយោបាយ ពង្រឹងការទូតសេដ្ឋកិច្ច ពង្រឹងកិច្ចសហប្រតិបត្តិការនៃការវិនិយោគ ការធ្វើទំនើបកម្មវិស័យយោធា និងការធ្វើទំនើបកម្មឌីជីថល ពង្រឹងទំនាក់ទំនងជាមួយអន្តរសភា និងការបង្កើតទំនុកចិត្តស៊ីជម្រៅ គឺជាទ្រព្យសម្បត្តិការទូត ដែលអាចប្រើប្រាស់ជាប្រយោជន៍បានរយៈពេលវែង។ ជាការពិតណាស់ ការធ្វើជាម្ចាស់ផ្ទះសន្និសីទប្រធានសភា នៃអន្តរសភាលើកទី២ គឺបានហុចឱកាសឱ្យកម្ពុជា ពង្រឹងគុណតម្លៃវេទិកា «ការទូតសភា» ដោយការបង្ហាញជំហរយ៉ាងម៉ឹងម៉ាត់ របស់ខ្លួនពីតម្លៃនៃសន្តិភាព ការគោរពច្បាប់អន្តរជាតិ អធិបតេយ្យភាព បូរណភាពទឹកដី និងការដោះស្រាយវិវាទដោយសន្តិវិធី។ ទោះបីជាយ៉ាងណាក៏ដោយ បើយោងតាមឥរិយាបទនយោបាយបច្ចុប្បន្ន របស់ថៃ គេអាចវាយតម្លៃបានថា «ទោះបីប្រើឯកសារ ច្បាប់អន្តរជាតិ និងភស្តុតាង មានសារៈសំខាន់យ៉ាងណាក៏ដោយ ក៏មិនមានន័យថា វិវាទនឹងត្រូវបានដោះស្រាយចប់ បានលឿនដូចចិត្តចង់បានភ្លាមៗនោះទេ»។ ការសម្រេចចិត្តប្រើ «ចុងប៊ិច និងភស្តុតាង» របស់កម្ពុជា ក្នុងសន្និសីទប្រធានសភានៃអន្តរសភា គឺជានិមិត្តសញ្ញានៃការប្រើ «ច្បាប់ជំនួសកម្លាំង ឯកសារជំនួសការអះអាង និងការចរចា ជំនួសការប្រើកម្លាំងប្រដាប់អាវុធដាក់គ្នា»។ សូមទស្សនា បទវិភាគស្តីពី «តេជោធិបតី៖ប្រើ ចុងប៊ិច និងភស្តុតាងជាគ្រាប់អុក ទាមទារបូរណភាពទឹកដី និងសន្តិភាព នៅចំពោះមុខប្រធានសភានៃអន្តរសភាលើកទី២» ដោយរីករាយ!៕ - @buddhishnews