@phone.nay.shine03: ချစ်ခဲ့ရတဲ့အတွက် နောင်တဆိုတဲ့စကားလုံးကို ဘယ်တုန်းကမှ သုံးနှုန်းဖို့ မတွေးခဲ့ဖူးပါဘူး ကိုယ့်နှလုံးသားနဲ့ရင်းပြီး ကိုယ့်ခံစားချက်တွေ အကုန်ပုံအောပြီး မြတ်မြတ်နိုးနိုး သံယောဇဉ်တွယ်ခဲ့ရတဲ့ အချိန်တွေဟာ ကိုယ့်ဘဝရဲ့ အလှပဆုံး အမှတ်တရတွေ ဖြစ်ခဲ့တာမို့ မင်းကို ချစ်ခဲ့ရတာ မှားတယ်လို့လည်း ဘယ်တော့မှ မပြောချင်ခဲ့ဘူး။ ဒါပေမယ့်..အချစ်တစ်ခုက လူတစ်ယောက်ကို ဒီလောက်အထိ ခြေဦးတည့်ရာမသိအောင် ယိုင်နဲ့သွားစေနိုင်မယ်လို့ နှလုံးသားတစ်ခုလုံးကို ဒီလောက်ထိ အပိုင်းပိုင်းအစစဖြစ်အောင် ရင်နာစေနိုင်မယ်လို့တော့ တကယ်ကို မသိခဲ့ဘူး။ ချစ်ခြင်းတရားရဲ့ အချိုမြိန်ဆုံး အပိုင်းအစတွေကိုပဲ မြင်တွေ့ခွင့်ရခဲ့ပြီး အဲဒီအချိုရည်တွေ ကုန်ဆုံးသွားတဲ့အခါ ကျန်ရစ်ခဲ့မယ့် အခါးသက်သက် ခံစားချက်တွေကို ကြိုတင်ပြီး တွက်ဆမထားမိခဲ့တာ ကိုယ့်ရဲ့အပြစ်ပဲလား တစ်ခါတလေကျရင် ရင်ထဲက မွန်းကျပ်မှုတွေက ဘယ်လောက်တောင် ပြင်းထန်လဲဆိုရင် အသက်ရှူဖို့တောင် မေ့လျော့သွားရလောက်အောင်ပါပဲ။ ဖြတ်သန်းခဲ့တဲ့ ညတာတွေက ရှည်လျားလွန်းတယ် တစ်ယောက်တည်း ကျန်ခဲ့တဲ့အချိန်တိုင်းမှာ ခေါင်းထဲကို အလုအယက် တိုးဝင်လာတဲ့ အမှတ်တရဟောင်း တွေကပဲ ကိုယ့်ကို ပြန်ပြီး နှိပ်စက်နေသလိုပဲ နားလည်ရခက်တဲ့ နာကျင်မှု ဒဏ်ရာအနာတရ မရှိဘဲနဲ့ ရင်ဘတ်တစ်ခုလုံး စုတ်ပြတ်သတ်အောင် နာကျင်ရတဲ့ ဒီခံစားချက်ကို ဘယ်လို စကားလုံးတွေနဲ့ ဖော်ပြရမှန်းတောင် မသိတော့ပါဘူး။ ချစ်ခဲ့ရတာကို နောင်တမရဘူးဆိုတာ မှန်ပေမယ့် ဒီလောက်အထိ နာကျင်ရမယ်မှန်း သိခဲ့ရင်တော့ ကိုယ့်နှလုံးသားကို ဒီထက်မက ပိုပြီး စည်းကမ်းကြီးကြီးနဲ့ ထိန်းသိမ်းထားမိမှာပဲ။ ချစ်ခြင်းရဲ့ အတိမ်အနက်ကို သိသွားရတဲ့ ဒီအနာဂတ်မှာ ပေးဆပ်လိုက်ရတဲ့ တန်ဖိုးကတော့ ကြီးမားလွန်းလှပါတယ်။

K"

Open In TikTok:

Region: TH

Friday 28 August 2026 05:30:44 GMT