@user973168359: နီပေါနိုင်ငံမှာ ဩဂုတ် ၂၆ ရက်က စတင်ဖြစ်ပွားခဲ့တဲ့ ရုတ်တရက်ရေကြီးမှုကြောင့် နေရာအများအပြား ရေလွှမ်းပြီး လူမှုကွန်ရက်ပေါ်မှာလည်း ရေဘေးနဲ့ပတ်သက်တဲ့ ပုံတွေ၊ ဗီဒီယိုတွေ အများအပြား ပျံ့နှံ့နေပါတယ်။ အဲဒီအထဲမှာတော့ ရေပြင်ကျယ်ကြီးအလယ်မှာ ရွှေရောင်ဗုဒ္ဓရုပ်ပွားတော်ကြီးတစ်ဆူ မပျက်မစီး ရပ်တည်နေတဲ့ပုံ ကလည်း လူမှုကွန်ရက်အသုံးပြုသူတွေကြားမှာ အထူးနာမည်ကြီးလာပါတယ်။ အဆိုပါ ဗုဒ္ဓရုပ်ပွားတော်ကြီးဟာ နီပေါနိုင်ငံ Chitwan ခရိုင်၊ Narayangarh (Narayanghat) မြို့အနီး၊ Narayani မြစ်ကမ်းဘေး မှာ တည်ရှိတဲ့ ဗုဒ္ဓရုပ်ပွားတော်ကြီးဖြစ်ပါတယ်။ Narayani မြစ်ဟာ နီပေါနိုင်ငံရဲ့ အရေးကြီးတဲ့ မြစ်ကြောင်းတစ်ခုဖြစ်ပြီး Trishuli မြစ်နဲ့ ဆက်စပ်စီးဆင်းလာတဲ့ မြစ်ကြောင်း ဖြစ်ပါတယ်။ လက်ရှိရေဘေးမှာတော့ ရေစီးကြောင်းအတွင်း အပျက်အစီးတွေ၊ ရွှံ့နွံတွေနဲ့အတူ ရေအားပြင်းထန်စွာ စီးဆင်းခဲ့တာကြောင့် မြစ်ကမ်းတစ်လျှောက်မှာလည်း ရေဘေးအန္တရာယ် ကြုံတွေ့ခဲ့ရပါတယ်။ လူမှုကွန်ရက်မှာ ပျံ့နှံ့နေတဲ့ပုံတွေထဲမှာတော့ ရေတွေက ရုပ်ပွားတော်ကြီးရဲ့ ပတ်လည်မှာ ဝိုင်းရံစီးဆင်းနေပြီး ရုပ်ပွားတော်ကြီးကတော့ မပျက်မစီး ကျန်ရှိနေတဲ့ပုံ ဖြစ်တာကြောင့် ကြည့်ရှုသူတွေအကြား အံ့အားသင့်စရာအဖြစ် ပြောဆိုမှုတွေ များပြားနေပါတယ်။ လက်ရှိ နီပေါရေဘေးဟာ တိဘက်-နီပေါနယ်စပ် Rasuwa ခရိုင်၊ Lhende Khola အနီးမှာ ရေခဲတောင်နဲ့ ကျောက်တောင်ပြိုကျမှုကနေ ရုတ်တရက်ရေကြီးမှု ဖြစ်ပေါ်ခဲ့တာ ဖြစ်ပြီး Bhotekoshi၊ Trishuli နဲ့ Narayani မြစ်ကြောင်းတွေကိုပါ သက်ရောက်မှုရှိခဲ့ပါတယ်။ ရေဘေးကြောင့် နီပေါနိုင်ငံအတွင်း လူသေ-//ဆုံးမှုနဲ့ ပျော-//က်ဆုံးမှုတွေ များပြားနေဆဲဖြစ်ပြီး ကယ်ဆယ်ရေးအဖွဲ့တွေကလည်း ရဟတ်ယာဉ်တွေအပါအဝင် နည်းလမ်းမျိုးစုံနဲ့ ရှာဖွေကယ်ဆယ်ရေးလုပ်ငန်းတွေ ဆက်လက်လုပ်ဆောင်နေပါတယ်။ အခုလို ရေဘေးအခြေအနေဆိုးကြီးအတွင်း ရေပြင်ကြားမှာ ထင်ရှားစွာ မြင်တွေ့နေရတဲ့ ဗုဒ္ဓရုပ်ပွားတော်ကြီးရဲ့ပုံတွေဟာ လူမှုကွန်ရက်မှာ အလျင်အမြန် ပျံ့နှံ့လာပြီး နီပေါရေဘေးနဲ့ပတ်သက်တဲ့ လူပြောများတဲ့ ပုံရိပ်တစ်ခု ဖြစ်လာပါတယ်။

Ko Kyaw

Open In TikTok:

Region: MM

Friday 28 August 2026 07:38:40 GMT