5/5🎓 Walang mapagsidlan ang saya ko ngayon. Kanina, habang papunta tayo, hindi natin mapigilan ang mga iyak natin. Pero sabi ko sa’yo, “Hawakan mo muna ang iyak mo, sayang ang make-up. Ipo-photoshoot muna kita.” 🥹❤️ Nakakaproud ka, dhay. Simula noon pa man, palagi akong nakasuporta sa’yo. At hayaan mong ibigay ko pa rin ngayon, sa graduation mo, ang mga bagay na deserve mo dahil pinagpaguran mo ‘yan. Habang kinukuhanan kita ng pictures, puro flashback ang pumapasok sa isip ko. Naalala ko kung paano ka nagsimula, kung gaano karaming pagsubok ang pinagdaanan mo, at kung ilang beses kang kinailangang maging matatag kahit mahirap. Bilang magkakapatid, iba talaga ang saya kapag nakikita mong unti-unting naaabot ng bawat isa ang kanilang mga pangarap. Lima tayong magkakapatid, at bawat isa sa atin ay may kanya-kanyang laban, pangarap, at timeline sa buhay. Hindi man pare-pareho ang naging daan natin, ang mahalaga ay patuloy tayong umuusad. Alam kong hindi naging madali ang lahat para sa’yo. Alam ko rin kung gaano nagsumikap sina Mama at Papa para maibigay sa atin ang mga pangangailangan natin at para mapag-aral tayo. Kaya itong araw na ‘to ay hindi lang para sa’yo. Para rin ito sa kanila. Dhay, tandaan mo na hindi karera ang buhay. Hindi mahalaga kung sino ang nauna o nahuli. Ang mahalaga ay hindi ka tumigil. Darating din ang tamang panahon para sa bawat pangarap na pinaghirapan natin. At ngayon, ito na ang panahon mo para mag-ani ng lahat ng pinagpaguran mo. Deserve mong maging masaya. Deserve mong ipagmalaki ang sarili mo. At deserve mong maramdaman kung gaano kami kaproud sa’yo. Sana sa susunod na mga taon, kapag nakita mo ulit ang mga pictures na ‘to, maalala mo kung gaano ka kasaya sa araw na ito. At sana maalala mo rin na may mga taong palaging naniniwala sa’yo at susuporta sa’yo sa bawat hakbang. Congratulations, dhay! 🎓❤️ Sobrang proud ako sa’yo. Maligayang pagtatapos! Mahal na mahal kita. 🥹❤️ #fyp #missjai #jonasbaclao #titonhat - @jonas.baclao