@aftab_sanjraniii_01: میں ہک اینجھا انسان ہاں جیڑہا زندگی دے ہنگامے کے تھک چکا میں ہک آدم بیزار شخصیت ہاں میڈے دل دے اندر اتنی خاموشی جمع تھی گئی ہے کہ ہنڑ شور سنڑائی نیں ڈیندا میکوں کڈاہیں کڈاہیں ایویں لگدے جیویں وقت میڈے کیتے رک گیا ہووے جیویں ہر ڈہہوار ہک نواں درد گھن کے آندا ہووے میں لوکیں دے نال رہ کے وی تنہا محسوس کریندا جیویں اندر توں بکھر گیا ہوواں میں زندگی کے نفرت نیں کریندا لیکن انہیں زخمیں کے ضرور تھک گیا جیڑہے وقت میڈے حصے لکھ چھوڑیں کجھ خواہشاں ادھوریاں رہ گئین اور کجھ لوک آدھ رستے اچ چھوڑ گئین کجھ خواب اکھیں اچ دفن تھی گئین ہنڑ دل اچ نہ کوئی شکوہ باقی رہ گئے اور نہ ہی کوئی مطالبہ بس ہک عجیب تھکیڑہ ہے جیڑہا روح دے اندر لہہ گئے کڈاہیں کلہیں بہہ کے سوچیندا کاش زندگی انتی باری نہ ہوندی کاش دل تے یادیں دا وزن نہ ہوندا کاش کہیں اینجھے لمحے اچ سارے ڈکھ کٹھے تھی کے ہمیشہ کیتے ختم تھی ویندے کہ اپنڑے اندرو ترٹے ہوۓ حصے دیاں آوازاں اور وی صاف سنڑائی ڈیندیاں او آوازاں اے ڈسن ہا کہ کجھ درد اینجھے ہوندن جنہیں دا کوئی علاج کائنی ہوندا جیڑہے صرف برداشت کرنڑے پوندن ہنڑ میں صرف اتنا چاہنداں کہ رب کریم میڈے دل دی آواز سنڑ گھنے اور میڈے کیتے آسانیاں پیدا کر ڈیوے کیونکہ جڈاں انسان حد توں زیادہ ترٹ ونجے اوکوں موت دی نیں سکون دی تلاش ہوندی ہے اور سکون صرف اوں ذات اچ ہے جیڑہی دل دے راز جانڑ دی ہے اے اللہ میڈے دل تے رحم فرما اور میڈے پریشانیں کوں آسانی اچ بدل ڈے اور میکوں او حوصلہ عطاء فرما جیندے نال میں زندگی دا باقی سفر طے کر سگاں آمین وسلام تحریر لکھت از قلم ثقلو لغاری ✍️