@ma_mam9: شتاقيتولي 🙋🏻‍♀️🥹 _حسيت احد وراي وايد انمدت على كتفي رفعت راسي عموو شامل اندار وحضني وكال" سوده الله وجهي ياعمي " كتله " عمو ماعندي شي اسم الله ع وجهك يابعد روحي" مسحت دموعي وعمو شامل يباوعلي بكسره والقهر والندم واضح على وجهه وماطايق العرس بقيت وياا.. شويه والبنات نزلن كال" بابه صعدي ارتاحي لاتبقين تتعبين" كتله لا عمو والله زينه مع البنات اساعدهم هز راسه وراح واني والبنات نضفنه البيتين ورجعت لاهلي من التعب نمت بدون تفكير.. كعدت على اصوات الهوسه مال العرس ونسوان اقاربنه جايه كمت واني متحمطه مرر الوقت ورحت للصالون خليت مكياج خفيف وفستاني الي يلفت الانتباهه ويجنن بنص حزني ابتسمت على شكلي ومنضري..رجعت من الصالون دخلت بـالعرس والهوسه والطبخ صايره هوسه كولش سمعت صوت الهوسه اجو العرسان كلبي يعصرني قهر والغصه شكت كلبي بحيث ريكي اخاف ابلعه دخلو واني امثل القوة واركص واضحك وداخلي مكسور دخل حسين وجهه مو طبيعي مهموم مامبين عليه عريس ومبين ضايج ومقهور اباوعله دخل العروس مالازم ايدها لازم الكبوس والبدله وعاكد حواجبه صايرات سيف صفنت اتائمله بس الاستغربته اكثر حسين الغيره عنده فول شلون قابل طالعه هيج مبينه بس الكبوس وحتى قصير وهوا مامهتم الها؟ تتعثر بدلتها وصلو للكوشه والنسوان تسلم عليه وتباركله والزاد قهري يلتفت على امه يريد يسلم عليها وهيه متجاهلته وعبرت وهوا بقه صافن يباوعلها وامي وخالاتي سلمن عليه بكسره خاطر.. عدلت روحي وعلى عناده اتقربت للعروس وسلمت عليها ورجعت التفتتله سلمت عليه مديت ايدي وهوا يباوع لايدي وجهي وعيونه تلمع وملامحه معفوسه نزل نضره على صدري وتغير 180 درجه وجهه صار احمر على نيلي عبالك مخنوك كصته كلها عرك طلع كلنس ومسح كصته واني ايدي الماتدتها صارت ترجف بوضوح انتبه ولزم ايده سلم عليه وعصر ايدي بين ايده حسيته حتتكسر اثناء توتري وبحركه سريعه سحبني عليه صارت شفايفه يم متني سحب نفس بوضوح وكال بصوت مهزوز " كافي اسراء" من كال كافي التفتت للعروس بتوتر وباوعت بصدمه عليه وتباوع لكل جزء بيه حسيتها مكروها كولش ماهضمتها تباوعلي بتمعن ومنبهره بشكلي وحسيتها مامتوقعه اني اكون موجوده سلمت وصعدت مخنوكه من الي شفته كولش تعبت وشكلي من الخارج يمثل ماهامني بس داخلي مكسور💔 دخلت لغرفه خديجه مخنوكه ومدا اكدر اتنفس كعدت اهدي نفسي ولا ارادياً دمعتي نزلت اني صوجي حبيته والله العظيم صوجي اني تعلقت بيه امداه وامده عروسته وامده كلبي الماعرف يختار احجي مع روحي واعاتب ماحسيت جان ينفتح الباب رفعت راسي واشوفه واكف بطوله وهيبته وقار البي يهز كلبي وقميصه الاسود الحاضن اكتافه يريد ينشك على صدره المرسوم رسم صفنت اباوع لطوله وهيبته كدامي اجتني لحضه ادراك اليوم عرسه نزلت عيوني ومسحت دموعي وعدلت فستاني وهوا يباوع لكل جزء بيه جرر باكيت الجكاير وسحب وحده بشفايفه وشعلها وكأن روحي جاي تشتعل مثلها باوعلي مصغر عيونه وحادهم كتله' خير؟ كال " الخير بوجهج بويه " كتله شعندك جاي لهنا؟ ترا غرفه خديجه هاي مو غرفتك ميه شنو؟ كال اي والله متيه كتله شنو؟ كال "روحي " ضحكت باستهزاء وكتله، وابو زايد تيها شكد ماتكدر مثل من ضيعتني ويجي يوم واخليك تضيع مثل ماضيعتني واني وياك والزمن طويل " باوعلي حاد ملامحه وكال ... يتبع

مــَـــلك🍒

Open In TikTok:

Region: IQ

Friday 28 August 2026 11:49:32 GMT