@bongo_media: Mwanasheria na Wakili wa Kujitegemea, Leonard Manyama, amesema mpangaji anatakiwa kukaa kwenye nyumba, fremu ya biashara au eneo alilopanga ndani ya muda uliowekwa kwenye mkataba kati yake na mpangishaji. Manyama amesema muda wa mkataba unapokwisha, mpangaji anatakiwa kuomba kuongeza mkataba au kuondoka na kukabidhi eneo kwa mwenye mali. Ameeleza kuwa mpangaji anayeng’ang’ania kuendelea kukaa baada ya mkataba kuisha anachukuliwa kuwa mvamizi na, kwa mujibu wa maelezo yake kuhusu sheria na maamuzi ya Mahakama ya Rufaa Tanzania, anaweza kuondolewa kwenye eneo hilo bila kupewa notisi. Amesisitiza kuwa wapangaji wanapaswa kuheshimu masharti na muda wa mikataba yao ili kuepuka migogoro ya kisheria.