@hanad2476: Waayo noloshu ma aha oo keliya Inaad adigu jidkaaga ka gudubto, Ee waa inaad mararka qaar Garab u noqoto ruux jidkiisu ku adkaaday. Haddii aad maanta xoog leedahay, Ha illoobin kii tabarta daran; Haddii aad meel sare taagan tahay, Ha quudhsan kii hoos jooga. Qofka aad maanta cawiso Ma ogid maalinta uu berri Adiga garab kuu noqon doono. Cawintu ma aha hanti badan, Mararka qaar waa hadal wanaagsan, Gacan la fidiyo, Qof la dhageysto, Ama qalbi la dejiyo. Wax yar oo aad qof u qabato Ayaa noloshiisa wax weyn ka beddeli kara. Hadday dhib kugu cuslaato, Samirku ha kuu noqdo gaashaan; Hadday kuu fududaato, Naxariistu ha kuu noqoto dhaqan. Ha noqon ruux dhibta garanaya Laakiin aan dadka kale u damqan; Noqo ruux wixii uu soo maray Cashar uga dhiga inuu dadka u naxariisto. Waayo qof walba dagaal buu la jiraa Oo aan wejigiisa laga akhriyin. Qof aad maanta fudud mooddo Waxaa laga yaabaa inuu xambaarsan yahay Culays aanad weligaa qaadin.#qalinkii #hanad #next

Hanad🥈

Open In TikTok:

Region: SO

Friday 28 August 2026 12:33:19 GMT