گـام واتقرب علينه بثقـه ورزانـه مد ايده لقدو وواني بس صافنـه عليهم سلم ع قدو وصافحه شويه وعلي باوعلي ورجع باوع لقدو وكله شني صاحبك ؟ مقتدئ وجهه گام ينطي الـوان كلـه اي صاحبي مد ايده علي يسلم وگال حيااك الله اغاتي واني راساا كمت علساس ولـد عود صخام بوجهي قابل شسوي مديت ايدي صافحته وبسرعه سحبتها باوعلي علي وكال هذا صاحبي ملهـم ...باوعت لصاحبه شضخمه يربي ولابس بدي ضابه ضب ملامح وجهه رجوليـه كولش واسمراني ولان نفس الضخامه والجسم ليكول اخوان وهم اثنينهم سمران ... ابتسم ملهـم واتقرب من جهتي وصار مقابيلي مد ايده يصافحني وگال اتشرفت حبيبي واني صافنه ع ايده مديت ايدي بتوترر وهزيت راسي وكتله بصوت ناصي اهلا وسهـلا حتئ مايبين صوتي كولش هستوني داسحب ايدي واستغربت من بقـه لازمهه وبأصبعه يتلمس بشره ايدي شلون الي مستغرب من نعومتهه رفعت راسي الـه واشوفـه صافن ع ايدي واتسعت عيونـه بصدمـه من شـاف اضافري الماروني ؟ اجيت اطم روحي بالكاع من اتذكرت مصبغه اضافري ونسيت امسحهن قبل لا اجي سحبت ايدي بسرعه وهـو راساا باوعلي وعيونه راح تطلع من مكانهن بتعجـب واستغراب بلعت ريگي واتاكدت من شاف ايدي عرفني لان بيضه واضافري طوال ومصبغات فـ مبينه ام السالفه ميل راسـه يباوعلي بتركيـزز واني حايره وين انطي وجهي فـ كعدو گبالنـه وقدو كال هسه اذا اكطعج هم احد يگلي ليش ؟ بله هسه لوو فضولين لو شقاوجيه وكعدو لطش يمج وجرو اللفاف ساعتهه شسوي ؟ الله سترنه بعلي الولد ثكيل ومالـه دخل بشي كتله شمدريني اففف وبعدين خل يولون اووي وذا شافوني كال هااا ترا اكطعج لا اراديااا ضحكت وضربت قدو بخفه ورفعت راسي بعفويه واشوفلك هذا ملهم مدري شسمه صافـن علينه راسااا خليت ايدي ع جتف قدو عود صاحبه وشقاوجي وهيجج ولوو شصخم بعد هوو شاف اضافري واتأكد بس ماكلت لقدو لا يكطعني وذاك الافندي مخلي رجل ع رجل ومرجع جسمه ويباوع النـه بتركيزز وشك.. لدرجه ربكني افففف فـ بدت اللعبه وراساا عدلت كعدتي وبده اللعب وفريق يهجم ع فريق وحماس فووول لحد مااا وصلوو يم الگول مالنه وهستوهم ديگولون بلا وعي كمت بسررعه وصافنه ع الشاشه واول ما صدوو الكره وما كولووو صحت يسسسسس رافينيااااا كفووووو ما احس الا جرني قدو وكال امشي نرجع انفضحنه خررررررب بلعت ريگي من اجتني لحضه ادراك راسااا انداريت ع هذا ملهـم شفته يباوعلنه ومبتسم بتك خـد هزز راسـه بأبتسامه اجيت اطم روحي كلت انفضحت اروح احسلي كتله يلااا رايحه للمغااسل اعدل اللفاف وانت تعاال ونفلت گبل گال يلا امشي امشي شويه وراح اجي وراج فـ رحت للمغاسل والحمد الله فارغه محد موجود خليت وذبيت اللفاف صح بارده بس متت اختنگت فـ ذبيت الكبوس ونزلت اللفاف غسلت اديـه وابتسمت ع شكلي (شعري ولادي بس الكدلـه طويله ومن ادنگ تنزل ع عيوني لان كصه شعري هيجج ) حسيت الباب انفتح كلت ماكو غير قدو انداريت بأبتسامه وكتله الله عليك قدوو شلوني بهذا اللبس ؟ وبلعت ريگي بصدمـه والدم نشف بجسمي من صاااار بوجهي مُلهـم ؟ عگد كصتـه بتعجب وصفـن بوجهي صفنـه بحيث جمدت بمكاني بسرعه التفتت ع غيرر جهه من الارتبـاك ونزلت الكبـوس وگلبي يدگ يربيييي شلون بيه اخذت نفس وهدئـت نفسي انداريت عليـه شفتـه اتقرب برزانـه وعيونـه بعيوني بتركيـز ميل راسه للمرايـه وگام يغسل بهدوء بدون ما ينطق حـرف ولا ينطي رده فعـل اني مااا صدگت خليت ومشيت وهستوني داعبررر من يمـه گـال" لتعيدين هالتصرف بابـه الدنيـاا مو امـان " .....يتبـع - @za33g