@haciyevvs23: Kimlərsə həyatımızdan səssizcə uzaqlaşdı, kimlərsə də qapını çırpıb getdi. Açığı, heç kimə kin saxlamıram. Gedən hər kəs getdiyi yerdə xoş olsun, ürəyi rahat olsun. Çünki insanın ürəyi rahatdırsa, demək ki, hardasa doğru yerdədir. Bizə düşən sadəcə yolumuza davam etməkdir. Bəzən elə insanlardan elə hərəkətlər gördük ki, heç ağlımıza da gəlməzdi. "Bu da edər?" dediyimiz adamlar elə ən ağır dərsləri verdi bizə. Amma yenə də hər birinin canı sağ olsun. Çünki hər kəs öz xarakterinin, öz vicdanının yükünü daşıyır. Mən kiminsə etdiyinə görə öz ürəyimi qaraltmaq istəmirəm. Həyatda çox vaxt tək qalmışam. Tək düşünmüşəm, tək qərar vermişəm. Dar günüm olub, sevincim olub hamısını öz içimdə həll etmişəm. Məsləhəti çox adamdan almamışam, amma məsləhət verməyi bacaran, sözün yerini bilən insanları da heç vaxt unutmamışam. Çünki boş söz yox, dəyərli fikir insanı ayaqda saxlayır. Hər şeyə görə Allaha şükür edirəm. Çətin günlərimdə verdiyi səbrə, dar vaxtımda göndərdiyi ruziyə, bəzən də sadəcə "döz" deyən qəlb gücünə görə. İnsan bəzən itirəndə anlayır ki, əslində hələ çox şeyi var imiş. Xasiyyətim çətindir, bunu bilirəm. Hər kəsə uyğun deyiləm, hər kəslə də yol gedəbilmirəm. Amma məni bu xasiyyətimlə qəbul edən, damarımı tutan dostlarım var. Bax, elə onların həmişə yanındayam. Çünki dostluq hamı ilə gülmək deyil, bəzən susub bir yerdə dözməkdir. Qarşımızda hələ uzun yol var. Həyat davam edir, yollar dəyişir, insanlar dəyişir. Bu yolda çıxıb gedənlərə də, qalanlara da ürəkdən baxıram. Gedənlərə qucaq dolusu təşəkkürlər mənə dərs olduqları üçün. Qalanlara isə minnətdarlıq yanımda olduqları üçün. Hər şey olduğu kimi gözəldir. Yaşananlar da, itənlər də, qazandıqlarım da. Yoluma davam edirəm sakit, özüm kimi və içim rahat)

🎱

Open In TikTok:

Region: AZ

Friday 28 August 2026 13:21:24 GMT