پھر میں نے معیارِ محبت کو بھی قائم رکھا اُسے چاہا ضرور مگر اُسے پانے کی ضد نہیں کی۔ یہ عشق کوئی سودا نہ تھا کہ ہر قیمت پر جیتنا ضروری ہوتا یہ تو ایک خاموش عبادت تھی جس میں دعا مانگی جاتی ہے تقاضے نہیں کیے جاتے۔ میں نے اُس کے نصیب سے لڑنے کی کوشش نہ کی ، وقت کے فیصلوں پر سوال نہ اٹھایا بس دل کے ایک گوشے میں اُس کی یاد کا چراغ روشن رکھا جو آج بھی بجھنے سے انکار کرتا ہے۔ وه میری خواہش بھی تھا اور میری آزمائش بھی مگر میں نے اپنی محبت کو خود غرضی کی دھول نہ لگنے دی۔ کیونکہ سچی محبت قید نہیں کرتی آزاد کرتی ہے۔ میں نے اُس کی خوشیوں کو اپنی دعاؤں میں شامل رکھا چاہے ان خوشیوں میں میرا نام کبھی نہ آیا۔ یہی تو محبت کا اصل وقار ہے کہ محبوب کی مسکراہٹ اپنے درد سے زیادہ عزیز لگے۔ کتنی ہی راتیں تنہائی کے حوالے ہوئیں کتنے ہی آنسو خاموشی کی چادر میں چھپ گئے مگر میں نے کبھی شکووں کی زبان نہ اپنائی۔ دل ٹوٹا بھی تو دعا ہی نکلی۔ لوگ کہتے رہے محبت کا انجام وصال ہونا چاہیے مگر میں نے جان لیا کہ ہر محبت کا مقدر مل جانا نہیں ہوتا کچھ رشتے روح کی کتاب میں لکھے جاتے ہیں زندگی کی کتاب میں نہیں۔ میں نے اُس کے بعد بھی محبت پر یقین رکھا کیونکہ وہ شخص نہیں وه احساس عزیز تھا جس نے مجھے محبت کا سلیقہ سکھایا۔ اگر وہ میرے حصے میں نہیں تھا تو اس کا مطلب یہ نہیں کہ میری محبت ادھوری تھی۔ ادھورا تو صرف فاصلہ تھا محبت تو مکمل تھی۔ آج بھی اگر اُس کا ذکر آ جائے میں مسکرا دیتا ہوں کیونکہ میں نے محبت کو انا کی زنجیروں میں نہیں باندھا۔ میں نے چاہا بھی خلوص سے اور چھوڑا بھی احترام سے۔ یہی میری محبت کی پہچان ہے کہ میں نے دل کو سچا رکھا ، وعدوں کو پاک رکھا اور معیار محبت کو کبھی گرنے نہ دیا۔ پھر میں نے معیارِ محبت کو بھی قائم رکھا ، اُسے چاہا ضرور مگر اُسے پانے کی ضد کبھی نہیں کی۔ #foryoupage❤️❤️ #viraltiktok #song #poetry - @shayari4630