Պատմական այս լուսանկարն այսօր նոր երանգներ է ստանում, բայց կարևոր է փաստերը ճիշտ արձանագրել ։ Մի կողմում՝ «Հոկտեմբերի 27»-ի ահաբեկչությունից հետո որդեկորույս մոր՝ Գրետա մայրիկի անսփոփ արցունքներն ու ցավն են ։ Մյուս կողմում՝ երկրի այն ժամանակվա ղեկավար Ռոբերտ Քոչարյանը։ Տարիներ առաջ լրագրողի հարցին, թե արդյոք առաջին դեմքերին չի ներում, Գրետա մայրիկը կտրուկ ու հստակ պատասխանել էր․ «Բոլորովին չեմ ներում իրենց… ես իրենց դատին էլ չեմ հավատում, դա ոչ թե դատ է, այլ խեղկատակություն» ։ Նա չէր հավատում այն արդարադատությանը, որն այդպես էլ չբացահայտեց ոճրագործության իրական կազմակերպիչներին ։Այսօր երկրորդ նախագահը կալանավորված է ։ Ո՛չ, նրան չեն կալանավորել «Հոկտեմբերի 27»-ի համար, այլ կոռուպցիայի, պաշտոնեական դիրքի չարաշահման և փողերի լվացման մեղադրանքներով: Բայց շատերի համար պատմական զուգադիպությունը խորհրդանշական է․ պատմության անիվը դանդաղ, բայց պտտվում է։Սակայն սա բավարար չէ։ Ժամանակն է, որ իրական արդարությունը հաղթի։ Պահանջո՛ւմ ենք ամբողջությամբ և հիմնովին վերաբացել «Հոկտեմբերի 27»-ի գործը ։ Կատարվածը պետք է բացահայտվի մինչև վերջին դետալը, իսկ իրական կազմակերպիչներն ու թիկունքում կանգնած ուժերը պետք է կրեն իրենց արժանի պատիժը։ Մոր չամոքված ցավը երբեք չի անցնի, բայց պետությունը պարտք ունի Սպարապետի և մյուս զոհերի հիշատակին։ - @vazgen._.sargsyan0