کبھی کبھی انسان آئینے کے سامنے کھڑا ہو کر خود کو پہچان نہیں پاتا۔ وہی چہرہ، وہی آنکھیں، وہی زندگی… مگر اندر کچھ بدل چکا ہوتا ہے۔ اور پھر دل آہستہ سے پوچھتا ہے… آخر کس نے تجھے اس حد تک توڑ دیا؟ میں بھی کبھی ایسا نہیں تھا۔ میں ہنستا تھا، چھوٹی باتوں میں خوش ہو جاتا تھا، اور لوگوں پر آسانی سے یقین کر لیا کرتا تھا۔ پھر ایک شخص آیا… جسے میں نے اپنی عادت بنا لیا، اپنا سکون، اپنی دعا، اپنی دنیا۔ اور شاید یہی میری سب سے بڑی غلطی تھی۔ میں نے اُسے اتنی آسانی سے اپنے دل تک رسائی دے دی جتنی کسی کو نہیں دینی چاہیے تھی۔ میں نے اپنے خوف بھی اُس کے سامنے رکھ دیے، اپنی کمزوریاں بھی، اور وہ حصے بھی جو لوگ عمر بھر چھپا کر رکھتے ہیں۔ اور پھر…وہی شخص ایک دن میری خاموشیوں کا سبب بن گیا۔ اب حالت یہ ہے کہ خود سے بات کرتے ہوئے بھی آواز بھاری لگتی ہے۔ پہلے جن چیزوں سے سکون ملتا تھا اب اُن میں دل نہیں لگتا۔ اور سب سے زیادہ حیرت مجھے خود پر ہوتی ہے۔ کہ میں نے آخر کسی کو خود پر اتنا اختیار دیا ہی کیوں؟ کیونکہ ہر شخص اتنی آسانی سے میسر نہیں ہونا چاہیے۔ اور میں… میں تو شاید اپنی پوری روح سمیت اُس کے حوالے ہو گیا تھا۔ اسی لیے آج جب میں خود کو دیکھتا ہوں تو دل یہی سوال کرتا ہے… "کون تھا جس نے یہ حال کیا ہے تیرا، کس کو اتنی آسانی سے میسر تھا تو؟" #💔 #sadvibes #unfrezzmyaccount #viewsproblem #urdupoetry - @shahzad_ke_kahani