@mohamed.shidane555: Ciilqabe Ina Cagjar, haddii aad masuul ka tahay dulmiga, caburinta, jirdilka iyo xadgudubyada lagu hayo dhalinyarada Soomaaliyeed, waxaan Alle ka baryaynaa inuusan dulmigaasi qarsoomin, xaqana uu soo bandhigo. Ilaahayow kuwa la dulmiyay u gargaar, kuwa la caburiyay u hiili, kuwa xabsiyada lagu hayo si xaq-darro ahna xorriyaddooda u soo celi. Ilaahayow haddii awood lagu dulmiyay shacabka, awooddaas ka yeel mid lagu joojiyo dulmiga. Haddii xaqa la qariyay, soo bandhig. Haddii been lagu qariyay xaqiiqda, kala saar runta iyo beenta. Haddii dhalinyaro aan waxba galabsan lagu dhibaateeyay xabsiyo qarsoon, caddaaladda horkeen cid kasta oo ku lug leh. Ilaahayow dulmi ha waari waayin, xaq-darrana ha guulaysan. Qof kasta oo si ula kac ah u dulmiya qof aan waxba galabsan, xisaabtiisa adiga ayaa og; xaqa iyo caddaaladdana adiga ayaa ah kan ugu sarreeya. Ilaahayow qalbiyada dadka dulman samir geli, waalidiinta ubadkooda ka walaacsanna u gargaar. Dhalinyarada deegaanka Soomaalida ka dulqaad cabsi, xabsi xaq-darro ah, jirdil iyo caburin. Ilaahayow haddii eedahaasi run yihiin, xaqa si cad u muuji, dulmiga jooji, kuwa dulmana u hiili, kuwa gardarradana caddaaladda horkeen. AAMIIN YAARABBAL CAALAMIIN. Mohamed Tayyip Shidane

Mohamed Shidane🇸🇴🫡

Open In TikTok:

Region: SA

Friday 28 August 2026 17:24:32 GMT