@a7o0.n: اغنية يادموعه لمحمد عبدُه تحكي عن طرف عاش وجع الحب لين صار يعرف قيمه الوصال من الفراق ويعرف قيمه الشخص بعد ما فقده فالشاعر هنا يتعجب من دموعه لانها تكشف له ان الشخص اللي كان يوم من الايام بعيد وصاد عنه صار اليوم هو اللي يشتاق ويرجع وكان الايام قلبت الادوار بينهم ففي الوقت اللي كان هو يتمنى وصاله كان الطرف الثاني يبعده ويكسر خاطره ويخليه يعيش الانتظار والحسره لكن يوم تعب منه وجافاه وبدا يبتعد عنه تغير كل شي وصارت اللهفه من الطرف الثاني وكانه ما عرف قيمته الا بعد ما فقده وهنا يجي العتاب الحقيقي لان الشاعر ما نسى الايام اللي كان فيها محتاجه ولا نسى دموعه ولا نسى كيف كان يتمنى قربه بينما هو ما كان يعطيه هالقرب وكان الشاعر يقول له الحين عرفت معنى غيابي بعد ما عشت انت نفس الفراغ اللي خليتني اعيشه وانا يوم كنت محتاجك ما لقيتك ويوم احتجتني لقيتني بعيد ومع ذلك الشاعر ما يظهر نفسه وكانه منتصر تمامن لانه ما زال يحمل داخله اثر هالحب والدموع والذكريات وكانه مهما حاول يتظاهر بالقوه يبقى شي منه متعلق بما كان بينهم ثم يشبه حاله بمن يمشي في الليل وسط الظلام وينتظر القمر يطلع لان هذا هو حال الانسان اللي فقد شخص يحبه يعيش ايامه وهو ينتظر نور يرجع له الامل لكنه في نفس الوقت تعلم من الشقاء وصار يعرف الفرق بين وجود شخص يسعده وغيابه اللي يوجعه ولذلك يترك الايام تاخذ مجراها ويقول ان الذكريات اللي كانت يومن جميله ممكن تصير مؤلمه على الطرف الاخر كل ما تذكرها لانه الحين صار يعرف معنى الفقد والحسره مثل ما عرفها الشاعر من قبل وفي النهايه ما تحس ان الشاعر يبي ينتقم منه قد ما يبي الطرف الثاني يفهم حجم الالم اللي سببه له يبي يعرف كيف كان شعوره وهو ينتظر ويشتاق وينكسر بينما الطرف الثاني بعيد عنه وكان الرساله الاخيره في الاغنيه هي ان بعض الناس ما يعرفون قيمه وجودك الا بعد ما يعتادون على غيابك وبعض الاعتذارات والرجعات تجي متاخره لان الشخص اللي كان ينتظرهم بكل قلبه يكون وقتها قد تعلم كيف يحمل وجعه بنفسه ويعيش بدونه. #محمد_عبده #يادموعه #يوم_انا_اتمنى_وصاله #عراب_الطرب #فنان_العرب
