@comr_dogaras_quran_tv: Bayan rubutun da muka wallafa jiya Alhamis kan Maryam Ibrahim Ɗan'azumi, inda muka yi kira ga gwamnati da masu hannu da shuni da su tallafa mata domin samun ingantacciyar rayuwa, wani mai suna Muhammed ya yi tsokaci da ya jawo hankalin masu karatu. A rubutunmu, mun bayyana ra’ayin cewa ya kamata a samar da hanyoyin da za su taimaka wa Maryam wajen ci gaba da rayuwarta da kuma baiwarta ta karatun Alƙur’ani. Mun kuma ce irin wannan tallafi na iya zama abin ƙarfafa wa sauran matasa, musamman wajen haddace Alƙur’ani da wakiltar Najeriya a gasannin ƙasa da ƙasa. Sai dai Muhammed ya bayyana wani ra’ayi na daban, inda ya ce a ganinsa Maryam ba ta buƙatar wani babban tallafi bayan a taimaka mata ta yi aure. Ya ce: “Wannan yarinyar ba wani taimako da take buƙata bayan a mata aure. Ta riga ta gama cin ribar rayuwarta ta hanyar haddace Alƙur’ani kuma ta zo ta farko a gasar Alƙur’ani ta duniya. A mata aure kawai, ta haifi wasu hafizai maza da mata kamar yadda aka haife ta.” Kalaman sun jawo ce-ce ku-ce tsakanin masu bibiyar batun, inda wasu ke ganin ya kamata a bai wa Maryam damar ci gaba da ilimi da baiwarta, yayin da wasu ke ganin aure da gina iyali shi ne babban mataki na gaba a rayuwarta. Ku fa, wanne ra’ayi kuka fi goyon baya: a tallafa wa Maryam ta ci gaba da karatu da gasanni, ko a mayar da hankali kan yi mata aure da gina iyali? #MaryamIbrahimDanzumi #AlQuran #HausaNews #LabaranYau #Arewa

COMR. DOGARA'S QUR'AN Tv

Open In TikTok:

Region: NG

Friday 28 August 2026 20:15:18 GMT