@dr.asem.mokhtar: تنظيف الجير مش بيضر أسنانك… بالعكس، هو بيحافظ عليها. ناس كتير بتخاف من تنظيف الجير، وبتعتقد إن التنظيف ممكن يضعف الأسنان أو يسبب تآكلها، وده مفهوم غلط. الجير عبارة عن ترسبات صلبة من البلاك والبكتيريا، ومجرد تنظيف الأسنان بالفرشاة مش بيقدر يشيلها بالكامل. لو الجير اتساب، ممكن يسبب التهاب ونزيف في اللثة، ومع الوقت ممكن يؤدي إلى مشاكل في الأنسجة والعظم الداعم للأسنان. تنظيف الجير بيشيل الترسبات دي، ويساعد على الحفاظ على صحة اللثة والأسنان ويقلل من احتمالية الإصابة بأمراض اللثة. والأهم إن ميعاد التنظيف مش واحد لكل الناس؛ بعض الأشخاص قد يحتاجونه كل 6 أشهر، والبعض كل سنة أو على فترات أقصر حسب كمية الجير وحالة اللثة. فمتخليش الخوف من تنظيف الجير يمنعك من إجراء بسيط ممكن يحافظ على أسنانك لفترة أطول#دكتور_عاصم_النبراوي