#انتي حببتيني في السـ.ـرطان.. دي الجملة اللي قالها الفنان ياسر فرج لزوجته ميادة وخلت علاقتهم أقوى بس للأسف انتهت بمـ.ـأساة.. تعالوا نعرف التفاصيل الفنان ياسر فرج كان مسافر بره مصر ومنفصل عن زوجته ميادة وعرف إن عندها الداء الخبيث في النـ.ـخاع وقتها مفكرش كتير وكلم أهلها وقال لهم أنا هرجع لميادة وفعلًا رجعلها رغم إنهم كانوا منفصلين وساعتها كل الخلافات اللي بينهم اختفت قدام تعبها ومن اللحظة دي بدأ يعيش معاها رحلة العـ.ـلاج بكل تفاصيلها وكان عنده أمل كبير إنها تخف وكان دايمًا بيقول لنفسه إن ربنا قادر يغير كل حاجة وبعد العـ.ـلاج عملت عمـ.ـلية زرع وبدأت حالتها تتحسن وساعتها حسوا إنهم أخيرًا عدوا أصعب مرحلة لكن الفترة دي كانت صعبة جدًا خصوصًا مع كـ.ـورونا وضعف مناعتها بعد العمـ.ـلية وياسر كان حريص عليها بشكل كبير وكان بيهتم بتعقيم أوضتها وأكلها وأدويتها وحتى الأدوية اللي مكانتش متوفرة كان بيحاول يوفرها بأي طريقة وفي مرة اتأخر وهو بيدور على الدوا ولما رجع لقاها مأكلتش لأنها كانت مستنياه هو بنفسه يقدم لها الأكل ومع الوقت حصل بينهم حاجة يمكن ماكانتش متوقعة هما أصلًا كانوا منفصلين وعندهم خلافات كتير لكن التعب قربهم من بعض جدًا وبقوا يقعدوا بالليل في البلكونة ويتكلموا عن كل حاجة حصلت بينهم وكل واحد بدأ يفهم التاني بشكل مختلف وفي الفترة دي قالت له جملة عمره ما نسيها: انتي حببتيني في السـ.ـرطان يمكن الجملة غريبة لكن معناها كان كبير جدًا لأن وجوده جنبها في أصعب أيامها خلاها تشوف التعب بشكل مختلف وتحس إنها مش لوحدها أولادهم كمان كانوا عايشين معاهم الخوف ده وكانوا صغيرين وحاسين إن مامتهم ممكن تروح منهم وياسر كان بيحاول يطمنهم ويقول لهم إن فيه ناس كتير خفت وإن والدتهم ممكن تتغلب على التعب وفعلًا لما بدأت تتحسن وترجع تسوق عربيتها وتخرج حسوا إن الدنيا بدأت ترجع لطبيعتها لكن للأسف التعب رجع تاني و المرة دي الأعراض كانت مختلفة وبعد فترة من الفحوصات كانت الصـ.ـدمة إنه انتشر بشكل كبير وقعدت بعدها حوالي 5 شهور في المستشفى وما رجعتش البيت خلال الفترة دي غير يومين و5 شهور كانوا من أصعب أيام حياة ياسر وكل يوم كان فيه مشكلة جديدة وقبل ما تدخل في الكومة بيومين أو تلاتة وصته على أولادهم وقالت له يهتم بيهم ويطول باله عليهم وكمان يهتم بوالدتها لكنه كان بيحاول يطمنها وقال لها مافيش داعي للكلام ده احنا سوا لكن يوم 27 يناير 2021 رحلت ميادة ومن بعدها حياة ياسر اتغيرت تمامًا وكان بيحاول يبقى قوي قدام أولاده رغم إنه من جواه كان حزين وكان شايف إنهم محتاجين يشوفوا إنه بيحب مامتهم وإنه مش ناسيها وبنته الكبيرة وقتها كانت عندها 14 سنة وإخواتها أصغر منها وبعد رحيلها ناس كتير حواليه قالوا له اتجوز عشان الأولاد لكنه كان رافض جدًا وكان خايف يدخل ست جديدة البيت والأولاد يتأثروا أو يحصل بينهم مشاكل وهو يكون بعيد عنهم بسبب شغله لكن المفاجأة إن أولاده نفسهم كانوا محتاجين وجود حد معاهم وارتبطوا عاطفيًا بسيدة كويسة جدًا وطلبوا من والدهم إنه يتجوزها وفعلًا حصل الزواج لكن للأسف بدأت مشاكل بين أولاد الطرفين وياسر حاول يحط قواعد عشان لو حصل خلاف بين الأطفال كل طرف يدعم أولاد الطرف التاني لكن الأمور ما مشيتش بالشكل اللي كان بيتمناه وبعد أقل من سنة حصل الانفصال وكأن ياسر كان لسه خارج من حكاية تقيلة جدًا وبيبدأ من جديد وفوق كل ده شغله وقف تقريبًا من وقت تعب زوجته وقال إنه كان حاسس إنه عايش في حلم أو كابوس وإنه مش عارف إزاي كل المحن دي عدت لكن كان دايمًا عنده إحساس إن ربنا واقف جنبه وبيعديه من كل محنة ومع الوقت بدأ يرجع للشغل من جديد وشارك في مسلسل وتر حساس وبدأ كمان يعمل ورش تمثيل للصغار ولقى نفسه بيحب المجال ده جدًا كأن الولد الصغير يدخل الورشة مش عايز حتى يقول اسمه ويخرج منها منطلق وبيمثل وأهله نفسهم كانوا بيتفاجئوا بالتغيير اللي حصل فيه ودلوقتي بدأ يفكر في ورش للكبار وكمان بدأ يكتب قصص وسيناريوهات ورغم كل اللي حصله لسه بيحاول يقوم ويبدأ من أول وجديد في كل مرة.#تصميم_فيديوهات🎶🎤🎬 - @abn_salah_the_best