_ كالت اريد قصبه ماكدر اشرب حمرتي تتلوص وزوجي حبيبي يشوفني بيها اريده هوا يخربها احس لهنا وخلصت طاقتي لو ما يحجون بيها افرها براشدي افرها فر الا انتفها.. دورت قصبه بل مطبخ مالكيت ماندلها لقاء دوم تشرب ايس كوفي وياي اكيد عدها قصبه صعدت الدرج اريد ادهل لغرفه لقاء واستوقفني حسين جان يطلع من غرفته ولابس الزي العربي دشداشه بيضه تموت بارزه سماره وعباء سوده وبيها ذهبي وجماغ احمر باسود وعكال طالع شيخ باوعتله من فوك ليجوه صدك صفني انتبهلي وشتت نضري عنه ودخلت لغرفه لقاء والباب مفتوح ادوره على قصبه دنكت لجرار وحسيت خطواته دخل للغرفه باوعتله ورجعت ادور عين بجرار وعين عليه وكف مقابيل المرايه ويعدل بروحه حضرت الشيخ على اساس ناقص تعديل غير طالع يشك شك وكل شويه وكال "هيج اسراء باوعي اسراء " خزرته وكتله " شعليههههه كال " اسم الله بويه شبيج بابه؟ باوعتله مصغره عيوني شبي هاذا هستونه متعاركين؟ شهل برود وينسا لو يتناسه؟ كتله " مرتك ماتشرب الا بقصبه! كال" اي بابه حبي رقيقه" خزرته ودنكت لكيتها كتله" هاك هاي القصبه اخذها وروح الها كال" اني انطيها؟ كتله اي مرتك هاي ليش ماتنطيها؟ كال بنبره جديه وحاده" والله يالله روحي انتِ بويه اني ماروح شدخلني وذا مرتي" باوعتله برافعه حاجبي استغربت منه ومن سوالفه؟ حسين ابد مايحجي هيج ولا نبرته هاي شبي اليوم متغير؟ نزلت انطيتها السم وطلعت البنات ديلمن بل غراض حسين طلع يسلم ع الزلم واني التهيت مع البنات افتر صارت بـ9 كالو نزف العريس ونسوان الغرب وخوات العروس وخالاتها يهلهلن مجرد سمعت حيزفوهم انعصر كلبي والغصه واكفه ببلعومي عماتي وخالاتي وماما ساكتات وممهتمات دخلو للغرفه احس متت بعد ماتحمل اختنكت دخلت لغرفه خالتي واغسل وجهي اريد اتنفس ماكو اوكسجين الشهكه شكت كلبي مكياجي تخربط احس روحي ميته مااكدر جسد بدون روح 💔جان اصعب شعور اتمنى يطلع حلم واصحه منه بس للاسف حقيقه تعبت واني امثل على نفسي وع الناس اني ممهتمه غسلت وجهي وبللت صدري وكعدت اتنفس شويه واجن يسرى ولقاء بيدها كلاص عصير كالت " شربي كتله ماريد " بقت تلح هيه ويسرى الا شربت منه شويه جان طعمه مرر كولش كتلها ماريده ماطيب ماتقبل لازكته على شفتي لحد ما خلصته وطعم المروره ماينجرع دفعتها وعطت بوجهه" شنو من عصير هاذا امداج " كالت اسفه اسراء نامي احسلج مافهمت السالفه تقريباً 5 دقائق ودخت كولش احس دايخه غمضت عيوني مستسلمه لدوخه ونمت....لقاء: مر يوم العرس مثل السم علينه وعلى اهلي بذات اسراء جانت تضحك ومتضاهره بل فرح بس كله تمثيل فعلاً كلام بعض النسوان يسم واني لو بمكانها اسوي فضيحه بي شنو ذنبها ينحجه عليها بدون ذنب والهضيمه حسين مبين مجبور ومدا يحجي النه شنو الجابره موتنه مايقبل يحجي شنو السبب هيج سوه ابوي القهر اكله كلبه وكل شويه يصعد سكره وضغطه..جاي اشتغل كرار جاب صواني ولزم زندي وهمس بأذني " تعاي للمخزن " يمه شصاير احس حيلي باد رحت وهوا دقائق واجا وراي وكال "لقاء اعتمد عليج انتِ كدها " كتله' شصاير خوفتني؟ كال تجيبين عصير برتقال وطلع من جيبه جيس بي مثل الطحين شويونه كتله شنو هاذا؟ كال " منوم وكلش قوي اريد تنطين اسراء منه وانتبهي خاشوكه صغيره فوك كلاص العصير حيل قوي ديري بالج وفعال بسرعه عشر دقائق بزايد وتنام.... يتبع - @ma_mam9