@zayartbz7news: နိုင်ငံနှင့်ပြည်သူထံသို့ ၆ နှစ်နီးပါး အခွန်မဆောင်သော စစ်တပ်လက်အောက်ခံ ဦးပိုင်ကုမ္ပဏီက စစ်သားများ၏ ထည့်ဝင်ငွေများအတွက် အမြတ်ငွေဝေစုများ ထုတ်ပေး၊ စီးပွားရေးမကောင်း၍ အမြတ်ငွေ လျော့နည်းဟုဆို ရန်ကုန်၊ ဩဂုတ် ၂၈ အကြမ်းဖက်စစ်တပ် စတင် အာဏာသိမ်းချိန်ကတည်းက နိုင်ငံနှင့်ပြည်သူထံသို့ အခွန်မဆောင်သော စစ်တပ်လက်အောက်ခံ ဦးပိုင်ကုမ္ပဏီက ယမန်နေ့မှစတင်၍ စစ်သားများ၏ ထည့်ဝင်ငွေများအတွက် အမြတ်ငွေများ စတင်ထုတ်ပေးသော်လည်း စီးပွားရေးမကောင်း ၍ အမြတ်ငွေအနည်းသာ ထုတ်ပေးနိုင်ကြောင်း တပ်သတင်းရင်းမြစ်များက ပြောဆိုကြသည်။ ယမန်နေ့ ဩဂုတ်လ ၂၇ ရက်နေ့မှစတင်ပြီး တိုင်းစစ်ဌာနချုပ်များနှင့် တပ်ရင်းတပ်ဖွဲ့များတွင် ဦးပိုင်ကုမ္ပဏီက စစ်သားများ၏ ထည့်ဝင်ငွေအလိုက် အမြတ်ငွေများကို ထုတ်ပေးနေခြင်းဖြစ်ကြောင်း၊ သို့ရာတွင် အမြတ်ငွေများမှာ ယမန်နှစ် ထုတ်ပေးမှုထက် အနည်းငယ် လျှော့နည်းသွားကြောင်း၊ စီးပွားရေး မကောင်းမွန်၍ အမြတ်ငွေ လျှော့နည်းသည်ဟု စစ်တပ်တာဝန်ရှိသူများက ပြောဆိုကြောင်း သိရှိရသည်။ "အမြတ်ငွေကတော့ မနှစ်ကထက် နည်းသွားတယ်။ စီးပွားရေး သိပ်မကောင်းလို့ အမြတ်နည်းတယ် ပြောတယ်။ မနေ့ကစပြီး စထုတ်ပေးတာ။ ဒီလကုန်အထိ တောက်လျှောက် ထုတ်ပေးမယ် ကြေညာထားတယ်" ဟု တပ်အသိုင်းအ၀ိုင်းက ဆိုသည်။ ဦးပိုင်ကုမ္ပဏီက အမြတ်ငွေများ ထုတ်ပေးရာတွင် အသက်ရှင်လျက်ရှိနေသေးသော စစ် သား များနှင့် မိသားစုအတွက်သာ ထုတ်ပေးခြင်းဖြစ်ပြီး ရှေ့တန်းတွင် သေဆုံးခဲ့ပြီးဖြစ်သော စစ်သားများ၏ ထည့်ဝင်ငွေများအတွက်မူ အမြတ်ငွေကို ကျန်ရစ်သူမိသားစုများထံသို့ ထုတ်ပေးခြင်းမရှိကြောင်း သိရှိရသည်။ အကြမ်းဖက်မင်းအောင်လှိုင်က ၂၀၂၁ ခုနှစ် စစ်အာဏာသိမ်းပြီးနောက် စစ်တပ်ပိုင် မြန်မာ့စီးပွားရေးဦးပိုင်လီမိတက် (MEHL) နှင့် မြန်မာ့စီးပွားရေးကော်ပိုရေးရှင်း (MEC) လက်အောက်ရှိ စီးပွားရေးလုပ်ငန်းအားလုံးကို အခွန်ကင်းလွတ်ခွင့် အထူးအခွင့်အရေး ဆက်တိုက်ပေးခဲ့ခြင်းဖြစ်သည်။ အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက် ၂၀၁၆ ခုနှစ်မှစတင်၍ MEHL နှင့် MEC လက်အောက်ရှိ စစ်တပ်၏ စီးပွားရေးလုပ်ငန်းများကို အခြားကုမ္ပဏီများကဲ့သို့ အခွန်ကောက်ခံခဲ့သော်လည်း စစ်အာဏာသိမ်းပြီးနောက် ၂၀၂၁-၂၀၂၂ ဘဏ္ဍာရေးနှစ်မှ စတင်ကာ ယမန်နှစ် ၂၀၂၅-၂၀၂၆ ဘဏ္ဍာရေးနှစ်အထိ MEHL နှင့် MEC လုပ်ငန်းများအားလုံး အခွန်ကင်းလွတ်ခွင့် အထူးအခွင့်အရေး ဆက်တိုက် ရရှိခဲ့ခြင်းဖြစ်သည်။ ယင်းအပြင် စစ်တပ်ပိုင်လုပ်ငန်းများက ဝန်ကြီးဌာနများ၏ တင်ဒါများကို ဝင်ရောက်ယှဉ်ပြိုင်စရာမလိုဘဲ ရရှိနေကြောင်း၊ အထူးသဖြင့် လျှပ်စစ်ဝန်ကြီးဌာနက တစ်နိုင်ငံလုံးရှိ လျှပ်စစ်မီတာများကို ဒစ်ဂျစ်တယ် မီတာများအဖြစ် ပြောင်းလဲရာတွင် စစ်တပ်ပိုင် မြန်မာ့စီးပွားရေးဦးပိုင်ကုမ္ပဏီ (MEHL) က ထုတ်လုပ်ဖြန့်ဖြူးသော AMI (Advanced Metering Infrastructure) စနစ်ပါဝင်သည့် ဒစ်ဂျစ်တယ် (Digital) မီတာများ ဖြင့် အစားထိုး လဲလှယ်ရေး တင်ဒါကို တစ်ဦးတည်း မူပိုင်ရရှိထားကြောင်း သိရှိရသည်။ ထို့ပြင်ဦးပိုင်ကုမ္ပဏီက စားအုန်းဆီတင်သွင်းခွင့်၊ စက်သုံးဆီ ရောင်းဝယ် တင်သွင်းခွင့် အပါအဝင် အခြားသော စီးပွားရေးလုပ်ငန်းများတွင်လည်း အခြားစီးပွားရေးကုမ္ပဏီများကဲ့သို့ ဝင်ရောက်ယှဉ်ပြိုင်စရာမလိုဘဲ တိုက်ရိုက် သွင်းကုန်လိုင်စင်ရရှိခြင်း အပါအဝင် အထူးစီးပွားရေးအခွင့်အရေးများ ရရှိနေသည်။ MEHL နှင့် MEC သည် မြန်မာစစ်တပ်၏ အဓိကစီးပွားရေးအင်အားစုနှစ်ခုဖြစ်ပြီး ဘဏ်လုပ်ငန်း၊ သတ္တုနှင့် ကျောက်မျက်တူးဖော်ရေး၊ ရေနံနှင့် သဘာဝဓာတ်ငွေ့၊ စက်မှုလုပ်ငန်း၊ အဖျော်ယမကာ၊ ဆေးလိပ်၊ အထည်ချုပ်၊ ပို့ဆောင်ရေး၊ ကုန်သွယ်ရေး၊ စက်သုံးဆီဖြန့်ဖြူးရေး၊ စက်မှုဇုန်ဖွံ့ဖြိုးရေးနှင့် အပြည်ပြည်ဆိုင်ရာ ရေကြောင်းသယ်ယူပို့ဆောင်ရေးအပါ အဝင် လုပ်ငန်းကဏ္ဍအများအပြားတွင် ရင်းနှီးမြှုပ်နှံထားကြောင်း သိရသည်။ MEHL ကို ၁၉၉၀ ပြည့်နှစ် ဧပြီလ ၂၇ ရက်နေ့တွင် တည်ထောင်ခဲ့ပြီး ကာကွယ်ရေးဝန် ကြီးဌာန၊ ကာကွယ်ရေးဦးစီးချုပ်ရုံး (ကြည်း) နှင့် ပစ္စည်းဝယ်ယူမှုညွှန်ကြားရေးမှူးရုံးတို့က အဓိကအစုရှယ်ယာများ ပိုင်ဆိုင်ထားသည့် စစ်တပ်ပိုင် စီးပွားရေးလုပ်ငန်းဖြစ်သည်။ စစ်မှုထမ်းများ၊ စစ်မှုထမ်းဟောင်းများ၊ တပ်ရင်း၊ တပ်ဖွဲ့များနှင့် စစ်မှုထမ်းဟောင်းအဖွဲ့များကလည်း ဦးပိုင်ကုမ္ပဏီ၏အစုရှယ်ယာများကို ပိုင်ဆိုင်ထားသည်။ NLD အစိုးရလက်ထက် ၂၀၁၆ ခုနှစ်တွင် MEHL ကို ၁၉၅၀ ပြည့်နှစ် အထူးကုမ္ပဏီများအက်ဥပဒေအရ ဖွဲ့စည်းထားသည့် ကုမ္ပဏီအဖြစ်မှ ၁၉၁၄ ခုနှစ် မြန်မာနိုင်ငံကုမ္ပဏီများအက်ဥပဒေအရ အများနှင့်သက်ဆိုင်သော ကုမ္ပဏီအဖြစ် ပြောင်းလဲခွင့်ပြုခဲ့သည်။ ထိုပြောင်းလဲမှုအရ ကာကွယ်ရေးဝန်ကြီးဌာနနှင့် ကာကွယ်ရေးဦးစီးချုပ်ရုံးတို့ ပိုင်ဆိုင်သည့် “က” အစုရှယ်ယာများကို “ခ” အစုရှယ်ယာအဖြစ် လွှဲပြောင်းပြီး ကုမ္ပဏီဖွဲ့စည်းပုံကို ပြောင်းလဲခဲ့ကြောင်း ထိုစဉ်က ဒါရိုက်တာအဖွဲ့က ထုတ်ပြန်ခဲ့သည်။ MEHL သည် နှစ်ပေါင်းများစွာ စစ်တပ်၏ အဓိကဝင်ငွေရင်းမြစ်တစ်ခုအဖြစ် ရပ်တည်ခဲ့ပြီး ဘဏ်လုပ်ငန်း၊ သယ်ယူပို့ဆောင်ရေး၊ ကုန်သွယ်ရေး၊ အဖျော်ယမကာ၊ ကျောက်

ZayarTBZ 7 News

Open In TikTok:

Region: TH

Saturday 29 August 2026 02:16:07 GMT