@brang.seng975: နှုတ်ကထွက်တဲ့ စကားတစ်ခွန်းဟာ လူတစ်ယောက်ကို ဒုက္ခပေးနိုင်သလို၊ အသက်ဆက်ပေးနိုင်တဲ့ခွန်အားလည်း ဖြစ်သွားနိုင်တယ်။ စကားလုံးဆိုတာ မျက်စိနဲ့ မမြင်ရပေမဲ့ သူ့ရဲ့ ရိုက်ခတ်မှုကတော့ အပြင်မှာတကယ်သက်ရောက်မှုရှိပါတယ်။ အားငယ်စိတ်ပျက်နေတဲ့သူကို စကားတစ်ခွန်းတည်းနဲ့ ပြန်ထူပေးလို့ရတယ်၊ စိတ်ဒဏ်ရာတွေကို ကုစားပေးလို့ရတယ်၊ မျှော်လင့်ချက်တွေ ပြန်ပေးလို့ရတယ်၊ လမ်းပျောက်နေသူကို ဘုရားသခင်ဆီ ပြန်ရောက်အောင် လမ်းညွှန်ပေးလို့လည်း ရတယ်။ ဒါပေမဲ့ ဒီနှုတ်ခမ်းကပဲ ဆက်ဆံရေးတွေကို ဖြတ်တောက်၊ အမုန်းတရားတွေ ဖြန့်၊ သိက္ခာတွေ ချ၊ စိတ်ဝမ်းကွဲအောင်လုပ်ပြီး ပြန်ပြင်လို့မရတဲ့ စိတ်ဒဏ်ရာတွေကိုလည်း ပေးသွားနိုင်တာပါပဲ။ ယာကုပ်ဩဝါဒစာ ၃:၆ မှာ လျှာရဲ့ ဖျက်ဆီးနိုင်စွမ်း ဘယ်လောက်ကြီးမားလဲဆိုတာကို သတိပေးထားပါတယ်။ ဒါကြောင့်မို့လို့ ကျွန်ုပ်တို့ နှုတ်ကထွက်သမျှကို အမြဲသတိထား စောင့်ထိန်းဖို့ လိုတာပါ။ အတင်းပြောတာ၊ ဆဲဆိုတာ၊ မျှားခေါ်တာ၊ ချယ်လှယ်တာ၊ လှည့်ဖြားတာနဲ့ လိမ်ညာတာတွေ ဒါတွေကို ရိုးရိုး "စကားလုံး" တွေပါပဲဆိုပြီး ပေါ့ပေါ့ဆဆ သဘောမထားပါနဲ့။ စည်းမရှိဘဲ ခဏခဏ ပြောမိနေရင် အရာရာကို ဖျက်ဆီးပစ်တဲ့ လက်နက်တွေ ဖြစ်သွားတတ်ပါတယ်။ စကားမပြောခင် ဒီမေးခွန်းလေးတွေကို ကိုယ့်ကိုယ်ကိုယ် အရင်မေးကြည့်ပါ - ဒါ အမှန်တကယ်ပဲလား။ ဒီစကားမျိုး ပြောဖို့ တကယ်ပဲလိုအပ်ရဲ့လား။ မေတ္တာပါရဲ့လား။ သူများကို မြှင့်တင်ပေးရာရောက်မလား၊ နှိမ်လိုက်သလို ဖြစ်သွားမလား။ ခရစ်တော် သဘောကျမယ့် စကားမျိုးရော ဟုတ်ရဲ့လား။ ကြုံသမျှ အခြေအနေတိုင်းကို လိုက်တုံ့ပြန်နေစရာ မလိုပါဘူး။ ငြင်းခုံပွဲတိုင်းမှာ အနိုင်ရမှဖြစ်တာလည်း မဟုတ်ဘူး။ သူများအမှားကိုလိုက်ဖော်ထုတ်နေဖို့လည်း မလိုပါဘူး။ အချို့ကိစ္ဆတွေမှာ တိတ်တိတ်ဆိတ်ဆိတ် နေတတ်တာကကိုပဲ အကြီးမားဆုံး ပညာရှိမှုပါပဲ။ ကိုယ့်နှုတ်ကထွက်တဲ့ စကားဟာ နာကျင်စေတဲ့ အဆိပ်မဖြစ်ပါစေနဲ့၊ ကောင်းချီးဖြစ်ပါစေ။ ဒဏ်ရာမပေးပါစေနဲ့၊ စိတ်ကို သက်သာရာရစေပါစေ။ ဒေါသကို မပြပါနဲ့၊ ခရစ်တော်ရဲ့ သဘောထားကိုပဲ ထင်ဟပ်ပါစေ။ အမှန်တရားကို မေတ္တာပါပါနဲ့ပဲ ပြောပါ။ သင့်ရဲ့ နှုတ်ကထွက်တဲ့ စကားဟာ သင့်စိတ်ထဲမှာအပြည့်ရှိနေတဲ့ အရာကိုပဲဖော်ပြနေတာပါ။ ဒါကြောင့် ဒီနေ့တော့ ကိုယ့်စကားတွေကို ဘုရားဆီပုံအပ်လိုက်ပါ။ စကားမပြောခင် ခဏလေး ရပ်ပါ။ ဆုတောင်းပါ။ စဉ်းစားပါ။ ပြီးမှ အသက်ကိုမွေးဖွားပေးနိုင်မယ့် စကားလုံးတွေကို ရွေးချယ်ပြောပါ။ “လျှာသည်အသက်သေခြင်းနှင့် ရှင်ခြင်းကို အစိုးရ ၏။ လျှာကို နှစ်သက်သောသူသည်လည်း၊ လျှာ၏အသီးကို စားရ၏။” — သုတ္တံကျမ်း ၁၈:၂၁ 🙏 ကိုယ်တော်ရှင်၊ အကျွန်ုပ်၏ လျှာကို ထိန်းချုပ်နိုင်စွမ်း ပေးတော်မူပါ။ အကျွန်ုပ်ပြောသမျှ စကားတိုင်းသည် ကိုယ်တော်၏ ဂုဏ်တော်ကိုချီးမွမ်းခြင်းဖြစ်စေပါ။ အခြားသူများကို ခွန်အားပေးစေပြီး၊ ဖျက်ဆီးခြင်းမဟုတ်ဘဲ အသက်ကို ဆောင်ကြဉ်းပေးနိုင်သော စကားများဖြစ်ပါစေ။ အာမင်။🙏❤️ #စကား၏တန်ခိုး #နှုတ်ကိုစောင့်စည်းပါ #ခရစ်ယာန်ခွန်အားယူစာစောင် #ဘုရားသခင်၏မေတ္တာ#crd

530

2026-08-29 07:41:18

To see more videos from user @brang.seng975, please go to the Tikwm homepage.