@gillybonny_tv: Mwanamke raia wa Ghana, Mercy Yaaba Bredu, amefariki dunia nchini China baada ya kuanguka ghafla kwenye uwanja wa ndege, muda mfupi tu baada ya kuwasili nchini humo kuendelea na masomo ya Digrii ya Uzamili (Master’s Degree). ​Bredu aliondoka nchini Ghana Agosti 24, 2026, kuelekea China kuanza masomo yake. Hata hivyo, akiwa njiani kwenye ndege, alilalamika kupata maumivu ya kifua na moyo. Baada ya kuwasili kwenye uwanja wa ndege nchini China, alidondoka ghafla wakati akipokea zawadi ya maua ya kumkaribisha, jambo lililofanya akimbizwe hospitalini kwa matibabu ya dharura kabla ya mauti kumfika Agosti 26, 2026. ​Mwanamke huyo, aliyewahi kuhudumu kama Makamu wa Rais wa Chama cha Wanafunzi wa Lugha ya Kiingereza (ASSENS) katika Chuo Kikuu cha Elimu cha Winneba (UEW) mwaka 2024, alikuwa amehitimu digrii ya kwanza kwa ufaulu wa juu wa daraja la kwanza (First-Class Honours). Ufaulu huo ulimwezesha kupata ufadhili wa masomo (scholarship) nchini Marekani na China, ambapo alichagua kwenda China kujiendeleza kimasomo na kibiashara. ​Ingawa umri wake haukutajwa kwenye taarifa hiyo, kifo chake cha ghafla ndani ya siku mbili tu tangu aagane na familia yake katika Uwanja wa Ndege wa Kimataifa wa Accra kimezua simanzi na majonzi makubwa miongoni mwa familia, marafiki na wanachuo wenzake.

Gilly Bonny Tv

Open In TikTok:

Region: TZ

Saturday 29 August 2026 06:35:03 GMT