@mohap_alaa: اللي اتعلمته إن النفوس بتتغير في ثانية وزي الدنيا دوارة، واللي كَل معاك في طبق واحد سهل ينكر وعادي ينكر، والوعود بتتنسي وبيتداس عليها، اللي اتعلمته إن السند الوحيد ليك بعد ربنا هو نفسك وبس ودي أكبر حقيقة في الدنيا، عايز تعيش مرتاح سِرك بينك وبين نفسك ما يطلعش لتالت، وحُزنك وضعفك وحتى ظروفك خليهم بينك وبين نفسك علشان ما تتعايرش بيهم، ولازم تدرك وتفهم حقيقة إن الإنسان اللي قدامك مهما حسيته صادق وأمين فسهل جداً يخونك ويدوس على العِشرة في ثانية . انا بقي مؤمن جداً بمقولة : المُحب لا يؤذي قلبًا أحبه ، مهما كانت الضغوطات فأي حد أذى قلبك ، أي حد هان عليه حُزنك ، أي حد سابك ومشي ، دا محبَكش يوم ، وميستاهلش لحظة زعل عليه