@dhh.media: Duqa Caasimadda Hargeysa oo Kormeeray shaqada ka socota Waddada State House. Duqa Caasimadda Hargeysa, Eng. Cabdirisaaq Maxamed Faarax (Wiiwaa), oo uu weheliyo Duqii hore ee Caasimadda Hargeysa, Cabdiraxmaan Maxamuud Caydiid (Solteko), ayaa maanta kormeer shaqo ku tagay Waddada State House-ka, si ay ugu kurgalaan halka ay marayso hawsha lagu bannaynayo xadka waddada. Kormeerka ayaa si gaar ah diiradda loogu saaray xaaladda guryaha iyo meheradaha ku dhow waddada ama soo galay xadka loo qorsheeyey waddada State House-ka, iyadoo la eegayay halka ay marayso hawsha bannaynta iyo tallaabooyinka xiga ee loo baahan yahay. Duqa Caasimadda ayaa intii uu kormeerka ku jiray warbixinno ka dhegaystay masuuliyiinta iyo hawlwadeennada gacanta ku haya hawsha, isaga oo adkeeyey muhiimadda ay leedahay in waddada loo baneeyo si waafaqsan qorshaha iyo xadka loogu talagalay, loona dardargeliyo hawlaha socda. Waddada State House-ka ayaa ka mid ah waddooyinka muhiimka ah ee isku xidha qaybo muhiim ah oo Caasimadda Hargeysa ah, sidaas darteedna bannaynteeda iyo horumarinteedu waxay qayb muhiim ah ka yihiin qorshaha lagu horumarinayo isku socodka iyo kaabayaasha dhaqaalaha ee Caasimadda.

Dawladda Hoose ee HRG

Open In TikTok:

Region: SO

Saturday 29 August 2026 11:36:51 GMT