ဘဝအဆင်ပြေနေတဲ့အချိန်မှာတော့ ငွေဆိုတာ အရာရာမဟုတ်ဘူးလို့ ပြောနိုင်ကြတယ်။ ဒါပေမယ့်… ဘဝက ကြပ်တည်းလာတဲ့အခါမှ ငွေဆိုတာ ဘဝထဲမှာ ဘယ်လောက်အရေးကြီးသလဲ တဖြည်းဖြည်း နားလည်လာရတယ်။ ချစ်ရတဲ့သူတစ်ယောက် ရောဂါဝေဒနာခံစားနေရတဲ့အချိန်မှာ ဆေးရုံစရိတ် မတတ်နိုင်လို့ သူတပါးဆီ ခေါင်းငုံ့အကူအညီတောင်းရတဲ့အခါ… ငွေအကြောင်းသိလာရတယ်။ အမျိုးအဆွေ၊ မိတ်ဆွေတွေ စုံစည်းကြတဲ့ပွဲတွေမှာလည်း ကိုယ်က မတန်သလိုခံစားရလို့ တိတ်တိတ်လေး နောက်ဆုတ်ပေးလိုက်ရတဲ့အခါ ငွေမရှိခြင်းရဲ့ အေးစက်မှုကို ပိုပြီး ခံစားလာရတတ်တယ်။ ငွေရဲ့တန်ဖိုးဆိုတာ မျက်နှာရဖို့တစ်ခုတည်း မဟုတ်ပါဘူး။ မိဘတွေကို စိတ်အေးချမ်းစွာ ထားနိုင်ဖို့၊ မိသားစုလိုအပ်တာတွေကို ဖြည့်ဆည်းပေးနိုင်ဖို့၊ ချစ်ရသူတွေ အခက်အခဲကြုံတဲ့အခါ ကိုယ်တတ်နိုင်သလောက် ကာကွယ်ပေးနိုင်ဖို့… အဲဒီအချိန်တွေမှာ ငွေဆိုတာ လူတစ်ယောက်ရဲ့ဘဝကို နည်းနည်းပိုပြီး ခိုင်မာစေတဲ့ အရေးကြီးတဲ့ အင်အားတစ်ခု ဖြစ်လာတယ်။ ငွေက လူတစ်ယောက်ရဲ့စရိုက်ကို ပြောင်းလဲပေးတာထက် သူ့ရင်ထဲမှာ ပုန်းကွယ်နေတဲ့ စရိုက်မှန်ကို ပိုပြီးဖော်ထုတ်ပေးတတ်တယ်။ ငွေမရှိတုန်းက ရိုးသားခဲ့တဲ့သူဟာ ငွေရှိလာတဲ့အခါလည်း ရိုးသားနေတတ်သလို၊ ငွေမရှိတုန်းက မမြင်ရတဲ့ ပင်က်ိုစရိုက်‌ အမှန်တွေလည်း ငွေရှိလာတဲ့အခါ ပိုပြီးပေါ်လာတတ်တယ်။ ငွေကြောင့် အရာရာပြောင်းလဲသွားတတ်ပါတယ်။ ငွေဟာ မေတ္တာကို ဝယ်လို့မရပေမယ့် မေတ္တာရှိတဲ့သူတွေကို ကာကွယ်ပေးနိုင်တယ်။ လူတစ်ယောက်ရဲ့တန်ဖိုးကို ငွေနဲ့ တိုင်းတာလို့မရပေမယ့် လောကကြီးကတော့ တစ်ခါတလေ ငွေနဲ့ လူတစ်ယောက်ကို တိုင်းတာနေတတ်တယ်။ ငွေဟာ အရာရာမဟုတ်ပေမယ့် ဘဝမှာ လိုအပ်တဲ့အရာတစ်ခုတော့ ဖြစ်ပါတယ်။ #Anyardiary #ငွေ - @anyar.diary