@b.raju_madal: 🥀 నీ మౌనం.. ________నన్ను చంపుతోంది...!! ------------------------------------------------------------------------------ #అనామిక ... నువ్వు నాతో మాట్లాడటం మానేసిన రోజు నా చెవులకు నిశ్శబ్దం మాత్రమే వినిపించలేదు... నా గుండెకు మాత్రం ఒక పెద్ద శబ్దంతో ఏదో విరిగిపోయినట్టు అనిపించింది. ఒకప్పుడు నీ ఒక్క మెసేజ్ కోసం ఎదురు చూసేవాడిని... ఇప్పుడు అదే ఫోన్ చేతిలో పట్టుకుని నీ పేరు కనిపించదని తెలిసినా మళ్లీ మళ్లీ చూస్తున్నాను. ఎంత విచిత్రమో కదా కనమా... ఒకప్పుడు నీ మాటలు నా రోజును మార్చేవి... ఇప్పుడు నీ మౌనం నా జీవితాన్నే మార్చేసింది. నిన్ను ఏం అడగాలి? ఎందుకు దూరమయ్యావని అడగాలా? ఎందుకు మారిపోయావని అడగాలా? లేక నన్ను ఇంకా గుర్తు చేసుకుంటున్నావా అని అడగాలా? కానీ... ఈ ప్రశ్నలన్నింటికంటే నీ మౌనమే నాకు సమాధానంగా మారిపోయింది. అనామిక ... నీకు తెలియకపోవచ్చు... నీతో మాట్లాడకుండా గడిపిన ప్రతి రాత్రి నా గుండెలో ఒక చిన్న యుద్ధమే. నిద్ర రావడం లేదు... కళ్లు మూస్తే నువ్వే కనిపిస్తున్నావు. కళ్లు తెరిస్తే నువ్వు లేవనే నిజం కనిపిస్తోంది. ఈ రెండు మధ్య చిక్కుకున్న నా మనసే ప్రతిరోజూ నన్ను నెమ్మదిగా చంపుతోంది. ఎవరైనా అడుగుతారు... “ఇంతగా ఎందుకు బాధపడుతున్నావు?” అని. నేను ఏం చెప్పాలి? నన్ను వదిలి వెళ్లిపోయిన మనిషి ఇంకా నా గుండెలోనే ఉంటుందని చెప్పాలా? నీ పేరు పలకకుండా కూడా రోజంతా నిన్నే తలుచుకుంటున్నానని చెప్పాలా? లేక... నువ్వు నా దగ్గర లేవనే నిజాన్ని నా మనసు ఇప్పటికీ అంగీకరించలేదని చెప్పాలా? అనామిక ... నువ్వు ఒక్కసారి “ఎలా ఉన్నావు?” అని అడిగితే చాలు... ఎన్నాళ్లుగా దాచుకున్న బాధంతా నీ ముందే కన్నీళ్లుగా మారిపోతుంది. “బాగున్నాను” అని చెప్పేంత బలమైన మనిషిని నేను కాదు... నీ ముందు మాత్రం నేను ఇప్పటికీ నిన్ను కోల్పోయిన అదే మనిషిని. నీ మౌనం నాకు కోపం తెప్పించదు... అది నన్ను భయపెడుతుంది. ఎందుకంటే... నీ జీవితంలో నేను పూర్తిగా పరాయి మనిషినైపోయానేమో అని. ఒకప్పుడు నీకు ముఖ్యమైన మనిషిని... ఇప్పుడు నీ జ్ఞాపకాల్లో కూడా లేని మనిషినైపోయానేమో అని. అదే ఆలోచన వచ్చినప్పుడల్లా నా గుండె మళ్లీ మౌనంగా ఏడుస్తుంది. అనామిక ... నువ్వు మాట్లాడకపోయినా పర్వాలేదు... నన్ను గుర్తు చేసుకోకపోయినా పర్వాలేదు... కానీ.... ఒక విషయం మాత్రం తెలుసుకో... నీ మౌనం నన్ను నీ నుంచి దూరం చేయలేదు... నిన్ను నా మనసులో మరింత లోతుగా దాచింది. ఎందుకంటే మాటలు ఆగిపోయిన ప్రేమ ఎప్పుడూ చనిపోదు... కొన్నిసార్లు అది మాటల్ని కోల్పోయి జ్ఞాపకాలుగా మాత్రమే బ్రతుకుతుంది. 🥀❤️‍🩹 ప్రేమతో... ఎప్పటికీ నీ కన్నయ్య....!! --------------------_------------------------------------------------#RAJU b a l a p u r a m.. #PureLove ..