@naqibbajaurdiaries: #باجوڑ: لوئی ماموند کٹکوٹ کے پہاڑوں کی لیز مکمل مسترد. تفصیلات کے مطابق ۔باجوڑ – لوئی ماموند کے علاقہ کٹکوٹ کے پہاڑوں کو لیز پر دینے کے خلاف علاقہ مکینوں نے مشترکہ طور پر شدید احتجاج کرتے ہوئے اس عمل کو مکمل طور پر مسترد کر دیا ہے۔ اہلیانِ کٹکوٹ لوئی ماموند قومی جرگہ کا کہنا ہے کہ یہ پہاڑ پورے علاقے کی مشترکہ ملکیت اور ہمارا قومی ورثہ ہیں۔ ان پہاڑوں پر پورے علاقے کے لوگوں کا حق ہے اور یہ کسی فرد یا گروپ کی ذاتی ملکیت نہیں۔ جرگہ نے واضح کیا کہ قوم کی غیر موجودگی میں، بغیر مشاورت کے کسی بھی قسم کے پہاڑوں کی لیز ناقابلِ قبول ہے۔ اس طرح کے خفیہ اقدامات علاقے کے امن اور بھائی چارے کے لیے خطرہ ہیں۔ اہلیانِ کٹکوٹ نے حکومت اور متعلقہ اداروں سے مطالبہ کیا ہے کہ وہ فی الفور اس لیز کے عمل کو منسوخ کریں۔ بصورتِ دیگر علاقہ مکین اپنے جائز حقوق کے تحفظ کے لیے ہر قانونی اور جمہوری راستہ اختیار کرنے پر مجبور ہوں گے۔ منجانب: اہلیانِ کٹکوٹ لوئی ماموند قومی جرگہ