اتاخرت بالبارت لان جنت طالعه وياا ❤️ ما احس الا شالت ايدها لعموو وكلتله ممنونه ممنونه وعمو ابتسم وكلهـا بالخدمـه بويـه فـ رحنه بالمطبخ نسولف ونغسل وخطيه ميوسه همات ماقصرت تغسل ويانه فـ كملنه وصعدنه اني اروح لعلي وميوسه صعدت ويه سرو بغرفتها چنت مامنة ودايرة وجهي لحد ما صدمـني صوت حجي وسوالف بغرفة علي ! التفتت مصدومة لگيت ميس وسرو واگفات ورايه يباوعن باستغراب "منو يم علي بهل وگت ؟خطيت بخطوات ثقيلة لحد ما صرت يم الباب جان مردود ع النص باوعت من الفراغ وروحي طلعت من مكانها من شفـت سجى واگفة بكل عين صلفة گباله ودا تحاچيه بوكاحه وتكلـه " ترا حبيتك قبلها ! ليش ما جاي تفهم؟ وبعدين شنو تريد تحولني لدكتورة؟ لاا شكراً ما أريد احد غيرك ...علي واگف گبالهاا ابرود وعدم اهتمـام وگلها "سجى اعرفي حدچ ! أنـه رجال متزوج ومرتي ماليـه عيني اتوكلّي خويه ولتعيدين هالسوالف والزلات بعد ما أريد أفقد أعصابي وياچ " اتقربت الـه اكثرر ولزمت ايدده وكلتلـه عليي لتسوي هيجج من شفت هيج حسيت نار شعلت بگلبي دمي فار ووصل لعيوني ! ما حسيت بروحي إلا دافرة الباب وصحت بصوت عالي "وتالي وياچ ولججج ؟ الئ متى أبقى أحذرچ وأنتي تعيدين هاي الحركات السا.....قطـه قبل لا تاخذ نفس هجمت عليها وجريت إيدها وعوجتها بقوة وأني أفور " تردين أكسرها الج ؟ شنو هاي الصلافه والوقاحة بس كليلي ؟ ما احس الا علي لزم ايدي وگال كولي يا الله بابـه اتهدي ...عوفيهااا لتعبين نفسج وياهااا ما سمعت حچايته ولا باوعتله لزمتها من شعرها هجمه وحدة وجبتها براشدي فرر راسها فـرر من حرگة گلبي ! وگعت بالگاع وهي تصيح بصياح "وخررري وخررري ترا ما يريدج ولااا يحبجج لتصدگين روحجج صاح علي بعصبيه " هيه شني ماريدهااا ؟ شتحجين خووويه سالمين ؟جاا غيرر هيه تصعد وتنزل ويه النفس رديت عليها واني أسحلها من شعرها بالكاع وكتلها هااا سمعتييي بسس اليوم الا اراويج الشطارة على أصولها ! علي صاح وگال " شمسسس ! ولزمني يريد يوخرني عنهـااا وگال عوفيها بابـة أتهددي رحمه للكعبـه ! بنفس اللحظة طبت ميس بكل برود سحبت كرسي وگعدت تباوع بضحكة وكالت " أني يم سجى كومي اخذي رجلج وغمزتلي خاف يحتاج شي يريد شي وهم حتئ احنـه نأخذ راحتنا بالشغل التفتت لعلي لگيته لازم إيدي ومحاوطني حتى ما أهجم عليها أكثرر ... ابتسمت لميوسة وفهمت عليها لان علي مجاي يخليني اكطعهااا فـ گتلها "خوش لعد.. عفت الأمانة يمچ تصرّفي وياها ! ميس ضحكت وگامت گفشت سجى من شعرها عدل وهي تكول "عيوني الأمانة بالحفظ والصون واصلة ومكفولة ! درت وجهي على علي لزمت إيده وكتله بهمس " تعال يروحي تعاال.. خل نطلع برا الغرفة حتى أحاجيك فـ طلعنه كتلـه شوف عـلي هاي سوالف نسوان خليها النا زحمه تدخل بالنص مـوو ؟ ميل راسـه وكال شمـسس ؟ كتلـه والله بس بس أدبها وأخلي لهل مهزلة حد وهاي هيـه جان يباوع لميس ورفع تك حاجب وگال بتحذير مصطنع ورجع باوعلي وعدل ياخة قميصه بوقار "جا من دون سوالف بينچن ؟ أني أتوكل للمضيف أريح راسي " كتلـه "عفية حبيبي روح أرتاح "هز راسه ونزل خطوات الدرج ورا ثواني التفت عليّ من نص الدرج وگال "هالله هالله.. مو تزوديها ترا الشكاوي تالي تجي يمي ! گتلـه بغمزة "من عيوني خفايف وناعمات ما نسوي شي " گال وهو مبتسـم "مقُبلات يعني ؟ كتله ييي وربك " ابتسـم وراح عاد ما صدگت ! طبيت للغرفة ودفعت الباب بخصري وسديته واجيت لسجى أراويها الشغل الحقيقي ! ...... - @za33g