@khadem_313i: هلمقطع من القصيدة سباني اسباية 💔 لمن رحت للنجف وگفت كبال شباگ الامام علي عليه السلام وضليت اردد بهلمقطع ، كتله ترضاها لبنيتك زينب هيج يصير وياها بعدك 💔💔💔💔 يابوية 😭 " بالكوفة الناس يطالب كل شيخ بنسوانه " يتكلم هذا المقطع عن مولاتنا الحوراء وهيّ بالكوفة ، لمن وصلوا كلمن أخذ الي تنتمي العشيرته ويرجعها الأهلها وعشيرتها وميخليها تكمل السبي الى الشام ، والبعض ابتاعوهن ومن ضمن الي ابتاعوهن هي السيدة فضة خادمة مولاتنا الزهراء عليها السلام لكن الحسن المُثنى " الأبن الأكبر لمولانا الحسن المُجتبى عليه السلام " ماانقتل بواقعة الطف مجرد تصوبت إيده اثناء المعركة وخرج منها متصوب وبعد ماتعافى راح واشترى الي ينتمن الهم ، المهم " دنكت الراس ماضلت مسبية ويانه " بمعنى ان السيدة زينب من شافت كل النسوان انوخذت او اغلبها انوخذت دنكت الراس من القهر او الهضيمة زين ليش دنكت ؟ لان ماضلت مسبية إلا واخذوها اهلها وعشيرتها " واخت العباس محد طالب بيها اهنانه " السيدة زينب الي هي اخت البطل والفارس وقمر بني هاشم وعمة السادة والعشيرتها معروفة ومهيوبة ، محد طالب بيها بالكوفة ومنعها من الأسر للشام " يفزع كلمن نغّار الهه " يعني شكو مَرة هناك فزعوا الها اهلها الغيورين الي مايردون نسائهم تصير فرجة للناس ويستروهن ويلفوهن " اتلفت محد يفزعلي " بس السيدة زينب تتلفت اتدور ومحد يفزع الها وهي بأشد الحالة للفزعة واهلها همّ أصل الغيرة والخدر والستر عجيب تضل محد يطالب بيها او يفزع الها " وين محمد جعفر وينه " نادت السيدة زينب بـ اخوها محمد ابن الحنفية الي هو بالمدينه والي جان مشلول ميكدر يتحرك ويجي بكربلاء ، ونادت بجعفر ابن ابي طالب أخ ابيها علي يعني عمها الي ابنه يكون زوجها " عبد الله بن جعفر " جعفر المُلقب بجعفر الطيار ، همين جانت بيه عِلة منعته من المجيئ " من هاشم محد ينغرلي " يعني من عشيرتي آل هاشم عشيرة الهاشميين محد بيهم فزعلي وغار عليه ( لولا الموت الي منعهم ماابتعدوا عنها ثانية ! ) " وين اهلي اليرهب طاريهم " الكل يعرف منو اهلها ، علي بن ابي طالب ابن عم الرسول وزوج البتول واخوانها الحسن والحسين سيدي شباب اهل الجنه ، وامها فاطمة الزهراء سيدة نساء العالمين الي رضاها من رضا الله وسخطها من سخط الله ، وعمها عقيل نسّاب العرب وعمامها افضالهم جمّة ، واخوها وكافلها ابا الفضل اشجع مقاتل الملقب بسبع القنطرة وهواااي فضائل الهم ، بس اسمائهم جان ومازال يرهب الذاكر لأسمائهم ف هي تكول وين يعني وين اهلي الي يرهب طاريهم يجي الجواب " خلصوا بالطف ياحيف اهلي " يعني مع الأسف والحريمة إنُ اهلها كلهم خلصوا وماتوا واحد ورا واحد وكدام عينها 💔 وضلت وحيدة وغريبة بدونهم "ابنص ديرتي " يعني الكوفة المعروف عنها دار حكم الامام علي " والدها " لمدة سنين " محد فزعلي وهد الي " هنا العجيب والي يُتسائل عنه ! يعني الكل يعرف هاي بنت علي ! هاي بنت راعي الغيرة هاي بنت الي حكم بأرضكم ، هاي بنت الي ستر عرضكم ، هاي بنت الي خلاكم تعيشون بنعيم ! وماخله بيها لا فقير ولا خله بيها مظلمة ابدًا وساوة بين العبد والخادم !! تالي تجي تسوون روحكم ماتعرفونها ؟ وتزعمون الجهل !! ولا كأنكم ماسامعين بإسم ابوها او اخوانها ! " الكوفة اشعجب معقولة ماتعرف علي " وايضـًا جان اكو كلام كالته مولاتي بالكوفة " تبكينا نسائكم وتقتلنا رجالكم " ! لأن إلي غدروا بيهم همّ اهل الكوفة لذلك عليهم الملامة الجبيرة من خانوا ابن بنت رسول الله وبنت فاطمة بنت رسول الله الشيعة جانوا قسم بدافع الخوف ميحجي ، قسم حجوا وانكتلوا ، قسم مسجونين قسم غرّوا نسائهم عن الانسحاب من الوقوف مع الامام الحُسين بالمال والأمان وخلوا النساء تحاجي ازواجها والامهات تحاجي اولادها إنُ ميشاركون وي الامام الحُسين لإن راح يتعذبون ، وبذاك الوقت بس صاحب الايمان القوي يتحمل كل شيء لأجل ابا عبد الله بالتالي خسرت الأُمة اعظم رجالها وعاشت الكوفة بفراغ وهلاك بعد الامام الحُسين عليه السلام . على أية حال نكمل " بشام الغرب اوكف غريبة ياهلي " رجعت مولاتنا تذكرت هضيمة الشام ممكن الكوفة اهون عليها لإن اكو يعرفونها ، ولو هنه كلهن هضيمة بس الشام أشدهن واصعبهن بحيث لمن سألوا الامام السجاد عن اصعب مكان مروا بيه بالسبي جاوبهم ( الشام...الشام...الشام) والي دارس قواعد اللغة العربية يعرف إنُ التكرار من علامات التوكيد إلي اتأكد الشيء ف شنو شاف مولانا ومولاتنا بالشام حتى يأكد على اسمه ٣ مرات ! طبت مولاتنا غريبة للشام والشام غريب عليها وهيَّ غريبة عليه وللآن هي غريبة بيه 💔 ف سلام الله عليها يوم وُلِدت ويوم سُبيت ويوم غُرِّبت ويوم توفيت ... #اللهم_عجل_لوليك_الفرج #اكسبلورexplore #السيدة_زينب #عباس_عجيد_العامري #وداع_الخوة
