@monkschool7: ဒါနခုနစ်မျိုး =========-----------============ အခါတစ်ပါး၌ လူငယ်တစ်ဦးသည် မြတ်စွာဘုရား ထံသို့ချဉ်းကပ်၍ “အကျွန်ုပ်သည် မည်သည့်အရာကိုပဲလုပ်လုပ် မအောင်မမြင်ဖြစ်နေပါသည်။ အဘယ်ကြောင့် မအောင်မမြင် ဖြစ်နေပါသနည်း” ဟု မေးလျှောက်သည်။ ထိုအခါ မြတ်စွာဘုရားက အသင်သည် အလှူဒါနမပြုတတ်၍ဖြစ်သည်ဟု ဖြေကြားတော်မူသည်။ “ငွေကြေးတစ်ပြားတစ်ချပ်မျှ မရှိသော ဆင်းရဲသား ကျွနု်ပ်အဖို့ မည်ကဲ့သို့အလှူဒါနပြုနိုင် ပါမည်နည်း”ဟု လူငယ်က ပြန်လည်လျှောက်တင်သောအခါ “အသင် ဤသို့မဟုတ်သည်ကို မှတ်သားလော့။ တစ်ဦးတစ်ယောက်သောသူသည် ငွေကြေးမရှိသော်လည်း သူတစ်ပါးကို ပေးကမ်းနိုင်သောအလှူဒါန ခုနစ်မျိုးရှိသည်။ ထိုခုနစ်မျိုးမှာ (၁) မျက်နှာဟန်အမူအရာဖြင့် အလှူ ဒါနပြုခြင်း - - အပြုံးဖြင့်ဖော်ရွေစွာ ဆက်ဆံပါ။ (၂) နှုတ်ဖြင့် အလှူ ဒါနပြုခြင်း - - အားပေးစကား၊ နှစ်သိမ့်စကား၊ ချီးကျူးစကား ၊ညှာတာစကား၊ နွေးထွေးသောစကားများ ပြောဆိုပါ။ (၃) စိတ်ဖြင့် အလှူ ဒါနပြုခြင်း - - စိတ်တံခါးကိုဖွင့်၍ ဖြူစင်သောစိတ်ထားဖြင့် သူတစ်ပါးကို ပွင့်လင်း ရိုးသားစွာ ဆက်ဆံပါ။ (၄) အမြင်ဖြင့် အလှူ ဒါနပြုခြင်း - - ကောင်းသောစေတနာ ကောင်းသော အမြင်ဖြင့် သူတပါး၏ကောင်းကွက်များကို ကြည့်ပေးပါ။ (၅) ကာယလုပ်အားဖြင့် အလှူ ဒါနပြုခြင်း - - ကိုယ်နိုင်နင်းသော လုပ်ဆောင်ပေးမှုဖြင့် သူတစ်ပါးကို ကူညီပါ။ (၆) နေရာထိုင်ခင်း အလှူ ဒါနပြုခြင်း - - လှေစီး၊ ကားစီးသည့်အခါ မိမိထိုင်ခုံနေရာကို အိုမင်းမစွမ်းသူ၊ ကိုယ်ဝန်ရှိသူနှင့် ကလေးငယ် တို့အား မိမိ၏ထိုင်ခုံနေရာကို ထိုင်စေပါ။ (၇) နေအိမ် အလှူ ဒါနပြုခြင်း - - မိမိ၏ အိမ်နေရာကို သူတပါးတို့ အနားယူရန် ပေးကမ်းပါ။ "မည်သူမဆို ဤ ခုနစ်မျိုးသောကောင်းမှု အလှူဒါန ကုသိုလ်ကို ပေးကမ်းလေ့ရှိသည့်အကျင့်ကောင်းရှိလျှင် အောင်မြင်ခြင်းသည် အစဉ်သာထပ်တလဲလဲလိုက်ပါ လာမည်သာဖြစ်ပါသည်” &&&&&&&&&&&& ၁။ပြုံးရွှင်သောမျက်နှာ ၂။ချိုသာသောစကား ၃။ဖြူစင်သောစိတ်ထား ၄။ကောင်းကွက်ကိုကြည့်ပေးခြင်း ၅။ကာယဖြင့်ကူညီခြင်း ၆။ကြုံလျှင် မိမိထိုင်ခုံနေရာပေးခြင်း ၇။မိမိအိမ်၌ ခေတ္တတည်းခိုခွင့်ပေးခြင်း များသည် ပစ္စည်းဥစ္စာ မပါပဲ လှူဒါန်းမှုမျိုးများဖြစ်ပါသည်။ #dhammamāmaka

2564

187

2026-08-30 11:47:17

To see more videos from user @monkschool7, please go to the Tikwm homepage.