@sokphlauch5: ចម្រៀងកុមារ ព្យញ្ជនៈ ៣៣តួ លំនាំបទ សម្លកកូរត្រីឆ្លាំង ក. ការកើតកបទ្រព្យធន ខ. ខំកើតមុន ភោគា គ. គិតឱ្យគ្រប់វេលា ឃ. ឃើញទ្រព្យា ព្រោះផ្ដើមពីការ ។ ង. ងើបងាកកុំសម្ងំ ច. ចាប់រៀបចំសិក្សា ឆ. ឆាប់ដើរទៅសាលា ជ. ជួបបញ្ញា ចំណេះរបៀន។ ឈ. ឈប់ឈានជើងខុសផ្លូវ ញ. ញឹមបន្ដខំរៀន ដ. ដើមកំណើតកើតមាន ឋ. ឋានជាស្ពានជីវិតថ្លៃថ្លា។ ឌ. ឌិនអង្កាំកែវកង ឍ. ឍុណ្ឍិ៍ចម្បង អស្ចារ ឱ្យពរសព្ទសាធុកា ណ. ណែនភោក្ដា មានច្រើនពេកក្ដាត់។ ត. តុបតែងអង្គរូបកាយ ថ. ថយឱ្យឆ្ងាយ វិបត្តិ ទ. ទុនប្រើឱ្យប្រយ័ត្ន ធ. ធនសម្បត្តិ គង់វង្សបានល្អ។ ន. នាំគ្នាបំពេញលក្ខណ៍ ប. បានភោគៈបវរ ផ. ផលបានតាមផ្លូវធម៌ ព. ពង្សស្មោះសគួរតែសេពគប់។ ភ. ភប់ប្រសព្វមិត្តល្អ ម. មាត់បវរថ្ងៃយប់ យ. យសស័ក្ដិបានជាម្លប់ រ. រៀនឱ្យគ្រប់ មុខវិជ្ជាការ។ ល. លក្ខណ៍មានគុណធម៌ វ. វឌ្ឍន៍បន្ដសិក្សា ស. សមជនជាតិខេមរា ហ. ហាមមុសា ប្រមាថដៀលជេរ ។ ឡ. ឡានបានព្រោះខំរក អ. អត់មានពេលទំនេរ អ. អត់តាមដានរឿងគេ ត្រូវតែរិះរេ មុនជឿអ្នកផង។ ចំណេះ កេីតពីការរៀន ដោយមានឆន្ទៈ ប៉ុនប៉ង ព្យាយាមត្រូវតាមបំណង យកចិត្តចាំចង និងពិចារណា។ ឯទ្រព្យសម្បត្តិនោះមិញ ពោរពេញ ព្រោះចិត្តហានក្លា ខំប្រឹងសង្វាតឧស្សាហ៍ អ្នកប្រាជ្ញប្រាប់ថាកេីតពីការរក។ ហេតុនេះ គួរតែខំប្រឹង សញ្ជឹងខិតខំទៅមក រឿងល្អត្រូវតែរៀនយក បំណាច់បានកេីតមកជាមនុស្សា។ ដោយលោកគ្រូ សុខ ផ្លូច