@yayam2492: AGARANG AKSYON SA LUBAO: NASIRANG DIKE, AAYUSIN; GUMAIN RIVER, PALALALIMIN Tuloy-tuloy ang pag-iinspeksyon at agarang aksyon sa mga lugar na matinding naapektuhan ng pagbaha. Nagtungo si DPWH Secretary Vince Dizon sa Brgy. Sto. Cristo, Lubao, Pampanga, kasama sina Governor Lilia “Nanay” Pineda, Vice Governor Delta Pineda at Mayor Esmie Pineda, upang personal na makita ang dike na gumuho matapos ang malakas na daloy ng tubig mula sa umapaw na Gumain River at Sto. Cristo Dam. Bahagi ito ng direktiba ni Pangulong Ferdinand Bongbong Marcos Jr. na agad suriin ang mga nasirang imprastraktura at kalagayan ng mga komunidad na sinalanta ng matinding pag-ulan at pagbaha. Hindi lang inspection ang ginawa. Iniutos agad ni Secretary Dizon ang pagpapalalim ng Gumain River para mapabilis ang daloy ng tubig patungong Pasig-Potrero River, pati ang paglilinis ng mga basura at nagbarahang troso sa Sto. Cristo Dam. Tiniyak din ng DPWH na popondohan ang pagkukumpuni ng nasirang dike, kasama ang pag-aayos sa nakitang uka sa 600-metrong bahagi ng flood mitigation structure. Mahalaga ang agarang intervention ngayon, pero equally important ang mas matibay at pangmatagalang solusyon para mabawasan ang panganib ng pagbaha sa mga komunidad sa Lubao. #Lubao #Pampanga #DPWH #SecVinceDizon #FloodMitigation

YAYAM Tiktok

Open In TikTok:

Region: PH

Sunday 30 August 2026 02:54:16 GMT