@najeeb_dgk_1: وقت دا پھیرا وی عجیب ہوندے۔ کجھ پتہ نہیں لگدا کہ کڈاں کیندی نظر لگ ویندی ہے۔ جیہڑا کل تائیں میڈی اکھ دا چانݨ ہئی، اج او۔ کنارا کر تے ٹر گئے۔ جیڑے ہتھاں وچ ہتھ پا تے اساں ساریاں منزلاں پار کرݨ دے دعوے کریندے ہاسے، او ہتھ ایں ادھ راوچ چھوڑ ویسن، اے میں کڈاہیں خواب وچ وی نہ سوچیا ہئی۔ ہنڑ۔ ویلھا لنگھ گئے، پر اوندیاں یاداں اج وی میڈے سینے وچ ہک مچ بالی کھڑن۔ جڈاں کلہا بہہ تے او پرانا وقت یاد کرینداں، تاں دل اندروں دھڑکن چھوڑ ڈیندے۔ دل پچھدے کہ آخر میڈی محبت وچ، میڈی وفا وچ کینجھی کسر رہ گئی ہئی جو او میکوں ایں حالت وچ چھوڑ گئے؟ پر شاید، نصیب دے لکھے کوں کوئی بدل نہیں سگدا۔ او ٹُر گئے، اپڑی ہک نویں دنیا وسا گھدی ہسی، تے میکوں ایں پچھتاوے تے تنہائی دے سمندر وچ بوڑ گئے۔ ہݨ بس ایہو گزرا ہویا وقت ہی میڈا کل سرمایہ ہے۔۔