ഒരിക്കലും തളരാത്ത ഒരു പോരാളിയായിരുന്നു അവൻ, ശരീരം തളർന്നപ്പോഴും മനസ്സുകൊണ്ട് ആകാശം തൊട്ടവൻ - സ്വാലിഹ്. വളാഞ്ചേരിയുടെ സ്വന്തം ചിരി ഇന്ന് നിലച്ചു എന്ന് വിശ്വസിക്കാൻ പറ്റുന്നില്ല. പക്ഷെ ഈ കഥയിലെ യഥാർത്ഥ ഹീറോ അവൻ മാത്രമല്ല. അവന്റെ നിഴലായി, താങ്ങായി, കാലായി നിന്ന ഒരു പെൺകുട്ടിയുണ്ട്. ഭാര്യ എന്ന വാക്കിനും അപ്പുറം, അമ്മയായി, കൂട്ടുകാരിയായി, ലോകം മുഴുവനായി നിന്നവൾ. രണ്ട് പിഞ്ചു കുഞ്ഞുങ്ങളെ ഒരു കൈയ്യിൽ, അവനെ മറുകൈയ്യിൽ ചേർത്തുപിടിച്ചവൾ. ലോകം അവനെ കാഴ്ച കണ്ടപ്പോൾ, അവൾ അവനിൽ ഒരു ജീവിതം കണ്ടു. നിലത്ത് വീണപ്പോൾ കൈപിടിച്ചതും, വിശന്നപ്പോൾ വാരിത്തന്നതും, വേദനിച്ചപ്പോൾ തലോടിയതും അവളായിരുന്നു. സ്വാലിഹ് പോയി, പക്ഷെ അവൻ ഉണ്ടാക്കിയ കുടുംബം, അവൻ പകർന്ന സ്നേഹം ഇവിടെയുണ്ട്. ആ പെൺകുട്ടിയെ നമ്മൾ തൊഴുതേ മതിയാവൂ, സമ്മതിച്ചേ മതിയാവൂ. പ്രണയം എന്നാൽ ഇതാണ്, കുടുംബം എന്നാൽ ഇതാണ് എന്ന് പഠിപ്പിച്ചവൾ. ആ രണ്ട് കുഞ്ഞുങ്ങളുടെ കണ്ണിലെ തിളക്കത്തിനായി അവൾ ഇനിയും ശക്തയായി നിൽക്കട്ടെ. ആദരാഞ്ജലികൾ പ്രിയ സ്വാലിഹ് 🤍 - @ksd_boy1