@black46543: အခုတော့... မင်းမရှိတာကို အရင်လို မခံစားတော့ဘူး။ အစတုန်းကတော့ မင်းမရှိတဲ့နေ့တွေဟာ တစ်နေ့ထက်တစ်နေ့ ပိုရှည်နေသလို ခံစားရတယ်။ ပျော်စရာတွေရှိရင် မင်းကို ပြောပြချင်တယ်။ ဝမ်းနည်းစရာတွေရှိရင် မင်းဆီမှာပဲ ရင်ဖွင့်ချင်တယ်။ အဲ့ဒီလိုနဲ့ မင်းမရှိတော့တဲ့အခါ ကိုယ့်နေ့ရက်တွေက တစ်ခုခုလွတ်နေသလို ခံစားခဲ့ရတယ်။ အချိန်တွေကြာလာတော့ အဲ့ဒီလွတ်နေတဲ့နေရာကို တခြားအရာတွေနဲ့ တဖြည်းဖြည်း ဖြည့်တတ်လာတယ်။ မင်းမရှိလည်း မနက်တိုင်း နိုးလာတယ်။ မင်းမရှိလည်း တစ်နေ့တာကို ဖြတ်သန်းနိုင်တယ်။ မင်းမရှိလည်း တစ်ခါတလေ ရယ်မောနိုင်တယ်။ အဲ့ဒီအချိန်မှာ နားလည်လာတယ်... လူတစ်ယောက်မရှိတော့တာနဲ့ ဘဝက ရပ်သွားတာမဟုတ်ဘူးဆိုတာ။ ဒါပေမယ့် တစ်ခါတလေတော့ မင်းကို သတိရမိတယ်။ သီချင်းတစ်ပုဒ်ကြားတဲ့အခါ၊ နေရာတစ်ခုကို ရောက်တဲ့အခါ၊ အရင်က မင်းနဲ့ပြောခဲ့ဖူးတဲ့ စကားလေးတစ်ခွန်းကို ပြန်ကြားမိတဲ့အခါ... ရင်ထဲမှာ အမှတ်တရလေးတစ်ခု ပြန်ပေါ်လာတတ်တယ်။ အဲ့ဒီအချိန်မှာ လွမ်းမိတယ်။ ဒါပေမယ့် အရင်လို ပြန်လိုချင်မိတာမျိုးတော့ မဟုတ်တော့ဘူး။ မင်းပြန်လာမလားဆိုပြီး စောင့်နေတော့တာလည်း မဟုတ်ဘူး။ မင်းမရှိတော့တာကို အပြစ်တင်နေတော့တာလည်း မဟုတ်ဘူး။ ကိုယ့်ဘဝထဲမှာ မင်းရှိခဲ့ဖူးတယ်ဆိုတာကို အေးအေးဆေးဆေး လက်ခံလိုက်နိုင်တာပါ။ တစ်ချိန်က မင်းက ကိုယ့်အတွက် အရေးကြီးခဲ့ဖူးတယ်။ တစ်ချိန်က မင်းနဲ့အတူရှိခဲ့တဲ့ နေ့ရက်တွေကလည်း ကိုယ့်ဘဝမှာ တကယ်ပျော်ခဲ့ဖူးတဲ့နေ့တွေပါ။ အဲ့ဒါတွေကို မေ့ပစ်ဖို့မလိုတော့ဘူး။ အမှတ်တရအဖြစ် ထားခဲ့လိုက်ရုံနဲ့ လုံလောက်နေပြီ။ အခုတော့... မင်းမရှိတာကို အရင်လို မခံစားတော့ဘူး။ တစ်ခါတလေ သတိရမိတာပဲရှိတယ်။ သတိရတဲ့အခါ တိတ်တိတ်လေး ပြုံးမိတယ်။ “တစ်ချိန်က တကယ်ပျော်ခဲ့ဖူးတာပဲ” လို့ တွေးပြီး ကိုယ့်နေ့ရက်ကို ကိုယ်ဆက်လျှောက်တယ်။ မင်းကို မေ့သွားတာ မဟုတ်ဘူး... မင်းမရှိတော့တဲ့ဘဝမှာ ကိုယ်တိုင်ပဲ ပျော်အောင်နေတတ်လာတာပါ။ အဲ့ဒီသတိရခြင်းလေးနဲ့အတူ ကိုယ့်ဘဝကိုတော့ တိတ်တိတ်လေး ဆက်လျှောက်နေတုန်းပဲ...။🥀#black🍀 #foryou #sadfeelings

Black🍀

Open In TikTok:

Region: TH

Sunday 30 August 2026 09:01:58 GMT